اسلام آباد۔10جنوری (اے پی پی): مزن وزیر ءِ موسمیاتی بدلی ءُ چاگردی رابطہ ءِ کارگس ءَ کوآرڈینیٹر رومینہ خورشید عالم ءَ گوشت کہ گلوبل وارمنگ کم کم ءَ گیش بوھگ ءَ انت، COP 29 ءَ موسمی گپ ءُ تران ءَ پاکستان ءَ ھاسیں کرد پیلو کتگ، پاکستان ءَ دیمروئی کتگیں ملک آنی مفاد آناں توازن کنگ ءَ انت۔ ءُ دیمروئی کنوکیں ملکاں چہ دیم ءَ اتکگ۔ مزن وزیر ءِ موسمیاتی مٹ ءُ بدلی ءُ چاگردی رابطہ ءِ کوآرڈینیٹر ءَ اے ھیالانی درشانی جمعہ ءِ روچ ءَ ادا نوسٹ یونیورسٹی ءَ کانووکیشن ءَ گوں تران کنان ءَ کت۔ آئی ءَ گوشت کہ پاکستان موسمی مٹ ءُ بدلی ءَ چہ گیش آماچیں ملک آنی تہ ءَ ھوار اِنت ءُ درجہ حرارت ءِ گیشی ءَ را یک ءُ نیم ڈگری سینٹی گریڈ ءَ تاں محدود کنگ ءِ پروسیس ایگریمنٹ ءِ سر ءَ عمل کنگ ءَ سوبین نہ بوتگ۔ رومنہار خورشید عالم ءَ گوشت کہ پاکستان ءَ 9سال ءِ گپ ءُ تران ءِ عمل ءَ پد آرٹیکل 6 ءِ سر ءَ تپاک کنگ ءَ مزنیں کردے پیلو کتگ ءُ کاربن ءِ کشگ ءَ را کم کنگ ءِ واستہ گامگیج کنگ ءَ انت۔ آئی ءَ گوشت کہ 2025 ءَ چہ بندات بوھوکیں منصوبگ آنی واستہ 730 ملین ڈالر ءَ چہ گیش ءِ وعدہ کنگ بوتگ۔ رومانہ خورشید عالم ءَ گشتگ کہ 2022 ءَ پاکستان ءَ بوتگیں سیلاب ءَ تباہی ءِ سبب جوڑ بوتگ، ءُ سیلاب ءِ وھد ءَ زالبول گیشتر زیان بوتگ انت۔ اناگہ ءَ چہ بوتگیں آفت آنی سبب ءَ تاوان ءَ را کم چہ کم کنگ ءِ واستہ الس ءِ سرپدی المی اِنت۔ مزن وزیر ءِ موسمیاتی بدلی ءِ کوآرڈینیٹر ءَ گوشت کہ موسمیاتی بدلی ءِ ھوالگ ءَ وزارت ءِ گوما NUST ءِ کمک وش اتک کنگ بیت، ءُ موسمیاتی بدلی ءِ گیواری ءِ واستہ ورنا ھاسیں کرد پیلو کت کن اَنت۔ رومن خورشید عالم ءَ گوشت کہ مارا ایمنیں موسم ءِ مول ءُ مراد آنی واستہ یکے دومی ءِ کمک کنگی اِنت، ءُ صنعت چاگرد ءِ رکھینگ ءِ واستہ نوکیں ٹیکنالوجی ءَ را کارمرد کنت۔ آئی ءَ گوشت کہ کوپ ءِ تہ ءَ پاکستان ءِ کرد معتبر بوتگ، پاکستان ءَ کوپ ءِ تہ ءَ جوانیں کرد پیلو کتگ، موسمی مٹ ءُ بدلی ءِ بابت ءَ سرجمیں دگنیا ءَ سرپدی دیگ المی اِنت، ءُ کوپ ءِ تہ ءَ موسمی مٹ ءُ بدلی ءَ چہ آماچیں ملک آنی نمائندگی پاکستان ءَ کتگ۔ آئی ءَ گوشت کہ جنگ ءَ پاکستان ءَ نہ ایوک ءَ وتی جنگ کتگ بلکینگ ءَ دراھیں آماچیں ملک آنی نمائندگی ھم کتگ۔
