اسلام آباد۔10جنوری (اے پی پی): مزن وزیر محمد شہباز شریف ءَ زرّ ءِ دیم دیگ ءِ تہ ءَ ریکارڈ گیشی ءِ سر ءَ راج ءَ را مبارکی دیان ءَ گوشت کہ ملک ءِ معیشت ءِ روانی ءَ را بند کنگ ءِ نعرہ چست کنوک آنی دعویٰ بے سوب بوتگ اَنت، پاکستان ءِ معیشت استحکام حاصل کنگ بوتگ پاکستان ءِ حکومت ملک ءِ دیمروئی ءُ الس ءِ وشحالی ءِ ھاتر ءَ جزم انت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ دسمبر 2024ءَ تاں 3.1 ارب ڈالر ءِ زرّ دیم دیگ بیت کہ نومبر 2024 ءَ چہ 5.6درسد گیش اِنت۔ دسمبر 2023 ءَ بگر تاں دسمبر 2024 ءَ تاں ترسیلات زر ءِ پڑ ءَ 29.3 ارب ڈالر گیشی بوتگ۔ مزن وزیر ءَ گوشت کہ زرّ دیم دیگ ءِ تہ ءَ ریکارڈ گیشی مئے پاکستانی برات ءُ گھار آنی ملک ءُ راج ءِ دیمروئی ءِ تہ ءَ مزنیں کرد اِنت۔ وتی کرد ءِ پیلو کنگ ءِ آہنی جزم ءِ درشان کنان ءَ ہما مردمانی دعویٰ کہ آہاں نعرہ چست کتگ ات کہ زرّ ءِ دیم دیگ ءِ ریکارڈ گیشی ءَ چہ ملک ءِ معیشت فالج بیت، آ چہ وتی جاہ ءَ یلہ داتگ اتنت۔ آئی ءَ گوشت کہ پاکستان ءَ اقتصادی برجائی ءَ چہ پد اقتصادی دیمروئی ءِ کشک ءِ سر ءَ شتگ پاکستان ءِ حکومت راجی دیمروئی ءُ الس ءِ گہبودی ءِ مکسد ءِ سر ءَ جزمیگ انت۔
