دوشنبے ۔2جولائی (اے پی پی): مزن وزیر شہباز شریف ءَ پاکستان ءُ تاجکستان ءِ نیام ءَ دو نیمگی دوستی ءُ یکوئی آناں گیش برجم کنگ ءِ جزم ءِ درشان ءَ کنان ءَ گوشتگ کہ دوئیں ملک کشت ءُ کشار، جان سلامتی، وانگ ءُ زانگ ، تجارت ءُ سرمایہکاری ءِ دیمروئی ءِ واستہ یکجائی ءَ کار کناں، پڑ ءَ ایمنی ءُ وشھالی ءِ واستہ ناشرکاری ءِ ھلاسی ءِ واستہ تاجکستان ءِ گوما یکجائی ءَ کار کنگ ءِ واھشت ائیگ آں۔ اے ھیالانی درشانی آئی ءَ سئے شمبے ءِ روچ ءَ تاجکستان ءِ صدر امام علی رحمان ءِ ھمبراھی ءَ پریس کانفرنس کنان ءَ کت۔ مزن وزیر محمد شہباز شریف ءَ گوشتگ کہ مئے گوما تاجکستان ءَ مارا وش اتک کتگ۔ اے وڑ سما بیت کہ ما یک گس ءَ چہ دومی گس ءَ اتکگ آں ما جتا جتائیں منگ نامہ آنی سر ءَ دست چنگل جتگ ۔ منگ نامہ آنی سر ءَ دست چنگل دوئیں ملک آنی نیام ءَ دو نیمگی یکوئی آںاں مھکم کنگ ءِ سبب جوڑ بنت۔ اے منوگری آنی سر ءَ دست چنگل جنگ ءِ پد ءَ شگر ءُ منت وار آں۔ ایشی ءَ چہ براتی ءُ یکوئی برجم ءُ کمک آنی تہءَ گیشی بیت۔ من تئی گوما یکجائی ءَ کار کنگ ءِ واھشت ائیگ آں ، دوستی ءُ براتی ءُ یکوئی آناں مھکمی ءِ سبب جوڑ بنت۔ اے منوگری آنی سر ءَ دست چنگل جنگ ءِ پد ءَ شگر ءُ منت وار آں۔ ایشی ءَ چہ براتی ءُ یکوئی برجم ءُکمک آنی تہ ءَ گیشی بیت۔ من تئی گوما یکجائی ءَ کار کنگ ءِ واھشت ایگ آں، دوستی ءُ براتی ءُ یکوئی آناں ناں ایوک ءَ برجم کنگ بلکینگ ءَ کشت ءُ کشار ، جان سلامتی ، سرمایہ کاری ، تجارت ءِ تہءَ گیشی ءَ ھوار جتا جتائیں شوبگ آنی تہءَ کمک آناں گیش کنگ ءِ واھشت ایگ آں۔ آئی ءَ گوشتگ کہ ٹرانسپورٹ ءُ گڈز کراچی دکہ ءَ چہ اوگانستان ءِ کشک ءَ تاجکستان ءَ تاں سامان آنی بر ءُ آر بوھگ ءَ انت۔ لوٹاں کہ تاجکستان ءُ پاکستان ءِ نیام ءَ روڈ ءُ ریل نیٹ ورک گیش مھکم بوھگ ءَ انت۔ تاجکستان ءِ صدر ءُ ڈلی تکءَ گند ءُ نند آنی ساھت ءَ دوئیں ملک آنی نیام ء َ کمک ءِ واستہ پازیٹیو آسر آنی گپ ءُ تران بوتگ، دوئیں ملک آنی نیام ءَ تجارت ءُ سرمایہ کاری ءِ دراج بریں موہ است انت۔ تجارتی کساس ءِ تہ ءَ گیشی ءِ واستہ ھمک سال ءِ بنیات ءَ سیم سر آناں نامینگ لوٹاں۔ آئی ءَ گوشتگ کہ مارا باز کسی تجارتی راہداری پولگی انت۔ چین ، تاجکستان ءُ اوگانستا ن ءِ نیام ءَ تجارتی راہداری ءِ بھر جوڑ بوھگ ءِ واھشت ایگ آں۔ مزن وزیر ءَ گوشتگ کہ تاجکستان ءُ پاکستان ناشرکاری ءَ چہ آماچ بوھوکیں ملک انت۔ پاکستان ءَ بازیں سال آں چہ نہ وشی آنی گوما دیم پہ دیمی انت ءُ بنی آدمی زندمان ءُمعاشی تاوان آنی جاور ھال آنی رد ءَ ٹوھیں قیمت ءِ ادا کتگ۔ ناشرکاری ءِ ھلاسی ءِ واستہ پاکستان ءَ اربانی کلدار ءِ معاشی تاوان بار سگ اتگ ءُ سدانی جان آناں قربان کتگ۔ سرجمٰں پاکستانی راج ناشرکاری ءَ چہ آماچ بوتگ۔ پاک فوج ءَ ناشرکاری ءِ گوں دلیری ءَ مقابلہ کتگ ءُ اے ھوپ ءِ ھلاسیء، واستہ بے کساس قربانی داتگ۔ آئی ءَ گوشتگ کہ 17-2018 ءَ ما ناشرکاری ءِ ھلاسی ءِ واستہ کامیت بوتگ آں پدا ھم بد بھتی ءَ چہ اے ھوپ دوارگ سہرا بوتگ۔ باز کسی کوشست ءَ چہ ما ملک ءَ را ناشرکاری ءِ ھلاسی ءِ وستہ جزمیگ آں۔ ما لوٹاں کہ پاکستان ءُتاجکستان ناشرکاری ءِ ھلاسی ءِ واستہ یکجائی ءَ کار بکناں، ما پڑ ءَ ایمنی لوٹاں، ایمنی ءَ چہ پڑ ءَ وشھالی کئیت۔ مزن وزیر ءَ گوشتگ کہ غزہ ءَ فلسطینی آنی سر ءَ ظلم کتگ ، غزہ ءَ چیل ہزار فلسطینی آناں شہید کنگ بوتگ۔ پاکستان ایشی ءِ مذمت ءَ کنت۔ بھارت ءِ زوراکی ءَ گوں جموں کشمیر ءَ ارچی بوھگ ءَ انت ایشرا مذمت کناں۔ جنوبی ایشیا ءَ مھکمیں ایمنی ءِ واستہ یونائیٹڈ نیشن ءِ سلامتی کونسل ءِ منوگری آنی رد ءَ کشمیر ءِ جیڈھ ءَ را گیوار کنگ بہ بیت۔ کشمیری آناں میاں اوستمانی تک ءِ منوک بوتگیں ھک، وت واجئی بہ رس ائیت۔ آئی ءَ امیت سہرا کت کہ کاسا 1000 منصوبگ آیوکیں سال ءَ سرجم بیت ایشی ءَ چہ پڑ ءَ وشھالی کئیت۔ پاکستان ءُتاجکستان ءَ سرکاری پاسپورٹ ویزہ ءَ چہ یلوئی دیگ ءِ منوگری آنی سر ءَ دست چنگل جتگ۔ اے موہ ءَ پاکستان ءُ تاجکستان ءِ نیام ءَ جتا جتائیں شوبگ آنی تہءَ منوگری ءُ تپاک نامہ آنی سر ءَ دست چنگل جتگ۔
