دوشنبہ۔ 02 جولائی (اے پی پی) وزیراعطم محمد شہباز شریف پاکستانی ڈل اتون اوار تاجکستان نا اِرادے ئی دورہ غا دوشنبہ ا سرمس۔ وزیراعظم آفس نا میڈیا ونگ آن جاری بیان نا رداٹ دوشنبہ بالی پٹ آ تاجک وزیراعظم قاہر رسول زادہ، تاجک وزیر توانائی وآبی وسیلہ دلیر جمعہ، تاجک نائب وزیرخارجہ فرخ شریف زادہ، دوشنبہ نا میئر جمشید تبرزادہ و پاکستان اٹ تاجکستان نا سفیر یوسف شریف زادہ، …
وزیراعظم شہباز شریف ڈل اتون اوار دوشنبہ آ سرمس، تاجک وزیراعظم، وزیرآک و سینئر سرکاری کمامدارآک اودے بخیرکریر
گیشتریں ھال
دوشنبہ۔ 02 جولائی (اے پی پی) وزیراعطم محمد شہباز شریف پاکستانی ڈل اتون اوار تاجکستان نا اِرادے ئی دورہ غا دوشنبہ ا سرمس۔
وزیراعظم آفس نا میڈیا ونگ آن جاری بیان نا رداٹ دوشنبہ بالی پٹ آ تاجک وزیراعظم قاہر رسول زادہ، تاجک وزیر توانائی وآبی وسیلہ دلیر جمعہ، تاجک نائب وزیرخارجہ فرخ شریف زادہ، دوشنبہ نا میئر جمشید تبرزادہ و پاکستان اٹ تاجکستان نا سفیر یوسف شریف زادہ، تاجکستان اٹی پاکستان نا سفیر محمد سعید سرور و بڑزکو سرکاری و سفارتی کارندہ غاک وزیراعظم ءِ بخیرکریر۔ دوشنبہ بالی پٹ آوزیراعظم محمد شہباز شریف تون تاجک ہم منصب قاہر رسول زادہ اوڑدہی و گپ وتران کرے۔
وزیراعظم محمد شہباز شریف دوشنبہ ٹی اسماعیل سامانی نا یات گار آ حاضری تس و ہموڑے پھل تخا۔ اسماعیل سامانی وسط ایشیاناتاریخ ساز شخصیت و تاجکستان نا قومی ہیرو ءِ ہرا نہہ می و دہ می صدی ٹی تاجکستان و خراسان نا علاقہ غا حکومت کرے و تاجک قوم ءِ تاریخ ساز شونداری نا کسر آ درے۔
