ساڑی کابینہ نا اسہ وزیراس ہم تنخواہ ہلپننگ ءِ، بنجائی وزیر کانود انصاف و پارلیمانی امور اعظم نذیر تارڑ

اسلام آباد ۔ 22 مئی (اے پی پی) بنجائی وزیر کانود انصاف و پارلیمانی امور اعظم نذیر تارڑ پارینے کہ ساڑی کابینہ نا اسہ وزیراس ہم تنخواہ ہلپننگ ءِ، بجلی و گیس انا بل آتے ہم وزیرآک تینا جیب آن ایترہ، درملکی اسے پاکستان نا قومی شناختی کارڈ جاری کننگ آ سخت ایکشن ہلنگک، لوئر چترال اٹ پنچ نادرا سینٹر کاریم کننگ ءُ، اِرا پین سینٹر ہم جوڑ کننگک۔ چارشنبے نادے آ ایوان بالانا دیوان اٹی وقفہ سوج آتیٹی سینیٹر فلک ناز، سینیٹر دوست محمد، سینیٹر محسن عزیز، سینیٹر ذیشان خانزادہ و ایلو باسک آتا سوج آتا ورندی ٹی بنجائی وزیر کانود انصاف و پارلیمانی امورپارےے کہ لوئر چترال اٹی پنچ نادرا سینڑ کاریم کننگ ءُ، ہڑدے 50 شناختی کارڈ جوڑ کننگ انگ ءِ و 100 آن زیات سُوالی تے آسراتی فراوان کننگک۔ اپر چترال اٹی نادرا سینٹر جوڑ کننگ کن فنڈ فراوان کننگا، داکان بیدس اِر اپین سینٹر ہم جوڑ مریک، داپنچ سینٹر اٹی 20 زالبول خذمت سرتننگ اٹی ءُ۔ آبادی نا کچ آن سینٹرآتا کچ اٹی ودکی کننگ انگ ءِ تانکہ مرمر آن بروک آ مخلوق ءِ مشکل آتون مون تروئی تمپ۔ اعظم نذیرتارڑ پارے کہ او پورو زمواری اتون ورندی ایتک۔ ساڑی کابینہ نا اسہ وزیراس ہم تنخواہ ہلپننگ ءِ، بجلی و گیس انا بل آتے ہم وزیرآک تینا جیب آن ایترہ۔ اوپارے کہ وزیرستان اٹی نادرا سینٹر نا جوڑ کننگ و موبائل وین تا آسراتی فراوان کننگ نا جاچ ءِ ہلنگک۔