سرکاری اسکیم نا 26 ہزار 711 حاجی حج کننگ کن سعودی عرب آ سرمسنو

اسلام آباد۔ 21 مئی (اے پی پی) سرکاری اسکیم نا 26 ہزار 711 حاجی حج کننگ کن سعودی عرب آ سرمسنو ہرافتے ٹی 6 ہزار 11 حاجی مدینہ منورہ ٹی 8 دے اڈکننگ آن پد مکہ مکرمہ غا سرمسنو۔ وزارت مذہبی امور نا ترجمان نا رداٹ 9 مئی آ بناکروک آ حج فلائٹ آپریشن نا کمک اٹ داتم اسکان 109 جہاز آتا کمک اٹ26 ہزار 711 حاجی سعودی عرب آ سرمسنو وخت اس کہ پرائیویٹ حج اسکیم نا رداٹ 1000 آن زیات حاجی ہم سعودی عرب آ سرمسنو۔ حاجی تا خذمت و بست وبند آتیکن 336 کمکار حج سعودی عرب اٹی تعینات ءُ۔ پاکستان حج میڈیکل مشن نا رداٹ 116 ڈاکٹر و پیرامیڈیکل عملہ حاجی تا خذمت اٹ لگوک ءُ۔ ترجمان نا رداٹ سعودی عرب نا کمک اٹ داتم اسکان 14 ہزار آن زیات حاجی تے ریاض الجنہ نا زیارت ءِ کرفنگانے۔ بنجائی وزیر مذہبی امور چوہدری سالک حسین مکہ مکرمہ ٹی حج بست وبند آتا چرجوئی ٹی اہم اوڑدہی کننگ ءِ و جندی وڑاٹ غٹ حج بست وبند آتا چاروکی ٹی لگوک ءِ۔