ریاض حسین پیرزادہ تون ڈاکٹر طارق فضل چوہدری نا اوڑدہی، سرکاری ملازم آتا ہند آتا برخلاف آپریشن کپننگ نا فیصلہ

اسلام آباد۔ 21 مئی (اے پی پی) بنجائی وزیر ہاؤسنگ و تعمیرات ریاض حسین پیرزادہ و قومی اسمبلی ٹی حکمران سیوت نا چیف وہپ ڈاکٹر طارق فضل چوہدری نا نیام اٹ سے شنبے نادے آ مروک آ اوڑدہی ٹی طے مسنے کہ سرکاری ملازم آتا ہند آتا برخلاف آپریشن کننگ پننگک وے ہرا ملازم سرکاری ہنکین تے کمرشل مسخت آتیکن کاریم اٹ اتنگ ءِ ، اوفتے نوٹس جاری کرسا وخت تننگک تانکہ او تینا غٹ غیرکانودی سرجزآتے چٹفر و تینا پوزیشن ءِ پیدوار کیر ۔ ڈاکٹر طارق فضل چوہدری نا رداٹ اوداچرجوئی ٹی بنجائی وزیر ہاؤسنگ و تعمیرات ریاض حسین پیرزادہ تون اوڑدہی کرے ہراٹی او سرکاری ملازم آتے تروک آ نوٹس آتا بابت گپ وتران کرینو۔ ڈاکٹر طارق فضل چوہدری ناپاننگ ءِ کہ او بنجائی وزیر ءِ پارینے کہ ساڑی حالیت آتا رداٹ داہند آتا برخلاف آپریشن ممکن اف ہراڑآ میاں ریاض حسین پیرزادہ اودے باوری کرفینے کہ فی الحال سرکاری ہند آتا برخلاف آپریشن کننگ پننگک ولے ہرا سرکاری ہند آتیٹی کمرشل سرجزآک برجاءُ اوفتا بابت پبی گام گیج کروئی مریک ہراڑآ ڈاکٹر طارق فضل چوہدری ریاض حسین پیرزادہ نا منت واری ءِ ہرفے۔