آستانہ۔ 21 مئی (اے پی پی) نائب وزیراعظم و وزیرخارجہ سینیٹر محمد اسحاق ڈار سے شنبے نادےآ قزاخستان نا صدر قاسم جومارت توکائیف تون صدارتی ماڑی ٹی اوڑدہی کرے۔ نائب وزیراعظم قزاخستان نا صدر ءِ پاکستان نا صدر و وزیراعظم نا کنڈآن نیک است خواہی نا درشانی ءِ کرے و قزاخستان تون غٹ بشخ آتیٹی کمکاری ءِ پین ودفنگ نا پاکستان نا پکااست خواہی نا درشانی ءِ کرے۔ نائب وزیراعظم …
نائب وزیراعظم و وزیرخارجہ اسحاق ڈار نا قزاخستان نا صدر جومارت توکایف تون اوڑدہی
گیشتریں ھال
آستانہ۔ 21 مئی (اے پی پی) نائب وزیراعظم و وزیرخارجہ سینیٹر محمد اسحاق ڈار سے شنبے نادےآ قزاخستان نا صدر قاسم جومارت توکائیف تون صدارتی ماڑی ٹی اوڑدہی کرے۔ نائب وزیراعظم قزاخستان نا صدر ءِ پاکستان نا صدر و وزیراعظم نا کنڈآن نیک است خواہی نا درشانی ءِ کرے و قزاخستان تون غٹ بشخ آتیٹی کمکاری ءِ پین ودفنگ نا پاکستان نا پکااست خواہی نا درشانی ءِ کرے۔ نائب وزیراعظم کثیر الجہتی فورم تیٹی تین پہ تینی فائدہ مند کثیر جہتی تعلقداری و کمکاری ءِ سوگو کننگ اٹ ہڑتوم آ ملک آتا سرکڑدہ غاتا کڑد انا ستاءِ کرے۔ اوقزاخستان نا شنگھائی کمکار تنظیم نا کماشی نا بھاز ستاءِ کرے و آستانہ ٹی جولائی ٹی اڈہلوک سروکی دیوان نا سرسہبی کن پاکستان نا کنڈآن پورو مخ تفی نا درشانی ءِ کرے۔
