اسلام آباد۔ 20 مئی (اے پی پی) چیئرمین سینیٹ سید یوسف رضاگیلانی ہیلی کاپٹر شکست اٹی ایرانی صدر ابراہیم رئیسی، وزیرخارجہ حسین امیر عبداللہیان و ایران نا صوبہ دے ٹکی آذربائیجان نا گورنر مالک رحمتی تون اوار ایلو بندغ آتا کزیت آ ڈکھیائی و است ہسونی نا درشانی ءِ کرینے۔ دوشنبے نادے آ سینیٹ سیکرٹریٹ آن جاری بیان نا رداٹ سید یوسف رضاگیلانی پارے کہ ایرانی صدر نا کزیت نا …
چیئرمین سینیٹ نا ایرانی صدر ابراہیم رئیسی نا کزیت آ ہڑزخواہی
گیشتریں ھال
اسلام آباد۔ 20 مئی (اے پی پی) چیئرمین سینیٹ سید یوسف رضاگیلانی ہیلی کاپٹر شکست اٹی ایرانی صدر ابراہیم رئیسی، وزیرخارجہ حسین امیر عبداللہیان و ایران نا صوبہ دے ٹکی آذربائیجان نا گورنر مالک رحمتی تون اوار ایلو بندغ آتا کزیت آ ڈکھیائی و است ہسونی نا درشانی ءِ کرینے۔ دوشنبے نادے آ سینیٹ سیکرٹریٹ آن جاری بیان نا رداٹ سید یوسف رضاگیلانی پارے کہ ایرانی صدر نا کزیت نا خبر نا بنگٹ بھاز است ہسون مس، ایرانی صدر نا کزیت اسہ بے بدل ءُ نسخان اسے۔ اوپارےکہ پاکستان نا پارلیمان و الس صدر رئیسی نا سیاسی و راجی خذمت آتے خراج عقیدت پیش کیرہ، پاکستان نا پارلیمان و الس ہیلی کاپٹر شکست اٹی زوال کروک آ غٹ بندغ آتا خاہوت نا غم اٹی بریبر نا شریک ءُ۔ چیئرمین سینیٹ اللہ تعالیٰ آن ایماندار تا درجہ غاتا بڑزی و پدسلوک آتیکن صبر وجمیل نا دعاکرے۔
