لاہور۔ 01 اپریل (اے پی پی) لاہور ہائیکورٹ پنجاب اسمبلی ٹی بحیثیت اسپیکر غیرکانودی بھرتی تا دوبہ ٹی نوشتہ مقدمہ ٹی چودھری پرویزالٰہی نا درخواست ءِ ضمانت آ فریق آتے نوٹس جاری کرے۔ لاہور ہائیکورٹ نا جج جسٹس شہرام سرور چودھری پی ٹی آئی نا صدر چودھری پرویزالٰہی نا دزگیری آن پد انا درخواست ضمانت آ دوشنبے نادے آ سماعت کرے۔ چودھری پرویزالٰہی درخواست اٹی موقف اختیارکرے کہ اینٹی کرپشن عدالت کانود آن چپ ضمانت ءِ مسترد کرے، عدالت ضمانت نادرخواست ءِ منظور کے، انسداد رشوت ستانی نا خصوصی عدالت پنجاب اسمبلی ٹی غیرکانودی بھرتی تا دوبہ ٹی نوشتہ مقدمہ ٹی دزگیر چودھری پرویزالٰہی نا درخواست ءِ ضمانت ءِ مسترد کریسس ہراڑآ او لاہورہائیکورٹ تون رجوع کرینے۔
