اسلام آباد۔ 01 اپریل (اے پی پی) پاکستان ومتحدہ عرب امارات نا نیام اٹ ہڑتوم آ کنڈآتا واپار ٹی برجامالی سال انا اولیکو 8 تُو اٹی سالانہ بنداو تیا ودکی ریکارڈ کننگانے۔ اسٹیٹ بینک و پاکستان بیورو شماریات نا کنڈآن دا بابت جاری کروک حساب وکتاب نا رداٹ برجامالی سال انا اولیکو 8 تُو اٹی دبئی ءِ پاکستانی برآمد آتا کچ 1.102 ارب ڈالر، ابوظہبی 72.41 ملین ڈالر، فجیرہ 98.48 ملین ڈالر، راس الخیمہ 29.46 ملین ڈالر، اجمان 12.27 ملین ڈالر، شارجہ 21.69 ملین ڈالر و اومال قوین ءِ برآمد آتیان ملک ءِ 0.63 ملین ڈالر نا زرمبادلہ دوئی مس، تدوک آمالی سال انا ہندا مد اٹی دبئی ءِ پاکستانی برآمد آتا کچ 856.52 ملین ڈالر، ابوظہبی 48.76 ملین ڈالر، فجیرہ 0.33 ملین ڈالر، راس الخیمہ 5.45 ملین ڈالر، شارجہ 23.82 ملین ڈالر وراومال قوین ءِ پاکستانی برآمد آتاکچ 0.266 ملین ڈالر نا برآمد ریکارڈ کننگا۔ حساب وکتاب نا رداٹ برجامالی سال انا اولیکو 8 تُو اٹی دبئی آن درآمد آتا کچ 3.131 ارب ڈالر ریکارڈ کننگا ہرا تدوک آ مالی سال انا ہند امد اٹی 4.015 ارب ڈالر ئسر، ابوظہبی آن درآمد آتیا574.54 ملین ڈالر زرمبادلہ خڑچ مس ہرا تدوک آ مالی سال انا ہند امد اٹی 1.097 ملین ڈالر ریکارڈ کننگاسس، دا مد اٹی فجیرہ آن درآمد آتا کچ 230.78 ملین ڈالر، راس الخیمہ 3.73 ملین ڈالر و شارجہ آن درآمد آتیا 66.17 ملین ڈالر نا زرمبادلہ خڑچ مس۔
