کوئٹہ۔ 01 اپریل (اے پی پی)چیئرمین اسٹینڈنگ کمیٹی پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ نن ملک انا زرگزران ءِ سنبھالنگ کن ہرممکن گام گیج آتے کاریم اٹ بایدے اتین تینا ہمسایہ غاتون واپار نا مون آ دننگ نا بابت غٹ اڑاند آتے چٹفنگ نا کسر آوار ءِ کروئی مریک مچ آ دنیا ٹی غٹ ملک آک تینا تینا ہمسایہ غاتون واپار ءِ ودفنگ آ چکار تخرہ بھارت تون پاکستان نا متکن آ ویل تاحال ایسر نا چاری ءِ دا ویل آتا ایسری اخس زوت مننگ کے پٹسا مو ن آ کار۔ داڑے جاری مروک اسہ بیان اسے ٹی سینیٹر محمد عبدالقادر پارے کہ زرگزران نا زبوں حالی ننا بھاز بھلو ویل اس جوڑ مسنے پاکستان، اوغانستان ، ایران، چین و بھارت تون واپار نا کچ ءِ ودفنگ آ سنجیدگی نا درشانی ءِ کننگ ءِ بھارت ننکن اسہ بھاز بھلو مارکیٹ اسے نا درجہ تخک، بیرہ بھار ت تون پاکستان نابرآمد آتا کچ 70 کھرب روپئی آن زیات مننگ کیک ہراڑآن پاکستان نا زرگزران ءِ قابل ذکر سنبھالا ملنگ کیک پاکستان برجامالی سال 3.5 کھرب روپئی نا گڑا دوئی کرے وخت اس کہ پاکستان آن بھارت ءِ برآمدات مفننگ نا بریبر ئسر جہانی واکدار آک ہم خوارہ کہ پاکستان و بھارت نا نیام اٹ تعلقداری بریبر و خوشگوا رمرے۔ اوپارے کہ کاروباری سرجزآتا سوب آن پاکستان و بھارت اسہ ایلو نا خڑک بریرہ و ہنداوڑ ہڑتوم آ ملک آتا نیام اٹ تعلقداری ٹی گچینی بریک ہڑتوم آ قومک بقائے تین پہ تینی نا اصول آتا رداٹ تین پہ تینی اختلاف آتے گیرام کرسا مون آ کار و تینا چین تا آخبت ءِ تہاری آن بچفر ہڑتوم آملک آتا نیام اٹ واپاری کچ ءِ ودفنگ آن 25 ارب ڈالر نا واپاری سرسہبی دوئی کننگ مریک ہڑتوم آملک آک کشت وکشار، صنعت، انفارمیشن ٹیکنالوجی، ٹیکسٹائل، بورہ ، سرمٹ، تعمیرات و دوائی تتون اوار ایلو بشخ آتیٹی تین پہ تینی زرکاری کرسا ڈیہہ انا زرگزرانی حالیت آتے یکسر بدل کننگ کیرہ۔ چیئرمین قائمہ کمیٹی پارے کہ پاکستان نا بھلا زرکارآک داحق اٹی ءُ کہ ڈیہہ انا امن ءِ برجاتخنگ کن غٹ ہمسایہ غاتے اسہ ایلو تون واپار ءِ ودفنگ کن گام گیج کروئی مریک اخس زیات واپار نا مون آدننگ آ کاریم کننگک ہموخس زیات ڈیہہ انا نیزگاری چٹک و ہندا وڑ دہشت گردی نا مون ءِ توننگ اٹ کمک رسینگک۔
