کوئٹہ۔ 01 اپریل (اے پی پی)پاکستان مسلم لیگ (ن) نا مرکزی سینئر راہشون چوہدری نعیم کریم پارینے کہ ملک انا شونداری و شونہالی کن سیاسی و عسکری سرکڑدہ غاک اسہ پنہ غاٹی ءُ پاک چین تعلقداری تے خراب کننگ نا سازش کروک آک ہچ ءُ رعایت اسے نا حقدار افس، مسلم لیگ (ن) ملک و قوم انا شونداری و شونہالی نا ضامن جماعت ءِ، وزیراعظم شہباز شریف عندیہ تسنے کہ داسہ نیزگار الس نا جاگہ غا اشرافیہ غا بھاریم ءِ شاغنگک ہرا ستاکڑزک، وخت اس کہ سیاست دانک ہم دا مشکل آ حالیت آتیٹی ملک انا بقاء و زرگزرانی تنکی آن کشنگ کن اسٹ مریر حکومت تون تفر۔ رابطہ آفس کوئٹہ غان جاری مروک اسہ بیان اسے ٹی چوہدری نعیم کریم پارےکہ ساڑی آ دہشت گردی نا واردات ناقابل تسخیر پاک چین سنگتی و برجاشونداری ڈٹ آتے لتاڑنگ و پاکستان نا داخلی سلامتی نا حالیت آتے نزور کننگ نا گندہ انگا سازش ءِ، پاکستانی قوم تینا عسکری فورس آتون ہم کوپہ دہشت گردی نا ناسور نامدام چٹفنگ کن سنبرینگوک ءِ ، تہہ و پیشن ملک دشمن واکدار آک تینا لغور و گندہ انگا سازش آتے اٹ قوم انا حوصلہ و عزم ءِ متزلزل کننگ اٹ سرسہب مفسہ حکومت کن ریاست نا بقاء قومی سلامتی و امن وایمنی نا بحالی و دہشت گردی تون اوار سیاسی و زرگزرانی نزوری نا چٹفنگ ہر گڑا غان مقدم ءِ۔ اوپارے کہ سیاسی جماعت آک ، عسکری سرکڑدہ و غٹ ادارہ غاک ملک انا شونداری و دہشت گردی نا ریسہ ءِ لتاڑنگ کن اسہ پنہ غا یکجاءُ ہرانا پیدوار شاہدی آرمی چیف نا ساڑی آبیان ءِ۔
