بیجنگ۔ 01اپریل (اے پی پی) چین نا وزارت خارجہ پارینے کہ پاکستان اٹی داسو پروجیکٹ آ دہشت گرد جلہو اٹی زوال کروک آ 5 چینی کارندہ غاتے میت آتے پاکستانی فوجی جہاز انا کمک اٹ چین آ سرکننگانے۔ چینی وزارت خارجہ نا ترجمان وانگ وین بن دوشنبے نادے آ معمول نا حوال اٹی پارے کہ پاکستانی بڑزکو کہولی کارندہ و چینی وزارت خارجہ نا ورکنگ گروپ میت آتے جہاز اٹی منتقل کریر۔ اوپارے کہ 29 مارچ آپاکستان اٹی چین نا انٹرایجنسی ورکنگ گروپ ٹو پاکستان و پاکستان اٹی چینی سفارت خانہ نا سفارتکار آک راولپنڈی نا تعلقدار ہسپتال نا دورہ ءِ کریر و ہموڑے ساڑی چینی کمپنی تا عملہ تون چینی کمیونسٹ پارٹی و حکومت نا کنڈآن ہمدردی و ہڑزخواہی نا درشانی ءِ کریر۔ اوپارےکہ چین بے کچ عزم و کوشست اٹ انتس کہ مس اونا جاچ ءِ ہلنگ اٹ پاکستان نا سوگو مخ تفی ءِ کیک۔ قصور وار و جلہو اٹی اوار بندغ آتے اوفتے اوفتا کروک نا سزا تننگے و پاکستان اٹ چینی عملہ نا ڈٹ و ادارہ غاتا رکھ و رکھ اکن ہرممکن کمک کننگے۔
