اسلام آباد۔ 01 اپریل (اے پی پی) اٹلی ٹی کاریم کروک آ پاکستانی تا زر راہی تس اٹی برجامالی سال نا اولیکو 8 تُو اٹی سالانہ بنداو آ 16.4 درسد نمو ریکارڈ کننگا۔ اسٹیٹ بینک انا حساب وکتاب نا رداٹ برجامالی سال انا اولیکو 8 تُو اٹی اٹلی ٹی کاریم کروک آ پاکستانیک 633.5 ملین ڈالر زرمبادلہ مون تسر ہرا تدوک آ مالی سال انا ہند امد انا مقابلہ ٹی 16.4 درسد زیات ءُ ، تدوک آ مالی سال انا ہند امد اٹی اٹلی ٹی کاریم کروک آ پاکستانیک 544.2 ملین ڈالر زرمبادلہ مون تسوسر۔ فروری 2024 اٹی اٹلی آن زرراہی تس نا کچ 73.9 ملین ڈالر ریکارڈ کننگا ہرا جنوری ٹی 82.8 ملین ڈالر و تدوک آ سال فروری ٹی 66.5 ملین ڈالر ئسر۔ یات سلے کہ برجامالی سال انا اولیکو 8 تُو اٹی سمندر پار پاکستانی تا جم زرراہی تس نا کچ 18.082 ارب ڈالر ریکارڈ کننگانے ہرا تدوک آمالی سال انا ہند امد اٹی 18.30 ملین ڈالر ئسر۔
