اسلام آباد۔31مارچ (اے پی پی): مزن وزیر محمد شہباز شریف ءَ امریکی صدر جو بائیڈن ءَ ر ا پسوئی نمدی ءَ گوشتگ کہ پاکستان امریکہ ءِ گوما یکوئی آناں کلیتی ارزشت ءِ دنت۔ یک شمبے ءِ روچ ءَ مزن ویر کارگس ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ امریکی صدر جوبائیڈن ءِ نمدی ءِ پسو دات۔ امریکی صدر ءَ مزن وزیر محمد شہباز شریف ءُ نوکیں حکومت ءِ واستہ کلوہی نمدی روان دات ایشی ءِ اندر ءَ نوکیں حکومت ءِ واستہ نیکیں واھشت آنی درشان کتگ۔ ایشی ءِ پسو ءَ مزن وزیر ءَ امریکی صدر ءَ را پسوئی نمدی نبشتہ کت ایشی ءِ تہ ءَ آئی ءَ گوشت کہ پاکستان امریکہ ءِ گوما یکوئی آناں کلتیی ارزشت ءِ دنت۔ دوئیں ملک ھاٹیگ، موسمی مٹ ءُ بدلی ، کشت ءُکشار ءُ جان سلامتی ءُ وانگ ءُ زانگ ءِ شوبگ ءَ ارزشتی ایں گامگیج آنی سر ءَ یکجائی ءَ کار کنگ ءَ انت۔
