اسلام آباد۔30مارچ (اے پی پی): مزن وزیر محمد شہباز شریف ءَ گوشتگ کہ موسمی مٹ ءُ بدلی آں گوں مقابلہ کنگ ءِ واستہ یک ٹوھیں ءُ مھکمیں کار رپک ءِ جوڑ کنگ ءِ ضلورت انت، موسمی مٹ ءُ بدلی یک ٹوھیں جیڈھ ات، مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ وزارت موسمی مٹ ءُ بدلی ءِ کار آنی ھوالگ ءَ دیوان ءِ برجم بوت۔ دیوان ءَ مزن وزیر ءَ را موسمی مٹ ءُ بدلی آنی ھوالگ ءَ گوشتگیں پالیشی ءُ منصوبگ آنی استیں دیمروئی کار آنی ھوالگ ءَ بریفنگ دیگ بوت۔ اے موہ ءَ مزن وزیر ءَ گوشت کہ موسمی مٹ ءُ بدلی یک ٹوھیں جیڈھ ات پاکستان موسمی مٹ ءُ بدلی آنی درستاں چہ گیش آماچ بوتگیں ءُ مالیاتی تباہی آنی پڑ ءَ درستاں چہ کم بھر داروکیں ملک آنی لڑ ءَ ھوار انت۔
