لاہور۔30مارچ (اے پی پی): مزن وزیر محمد شہباز شریف ءَ گوشتگ کہ ملکی معیشت ءِ برجائی ءِ واستہ کابینہ ءَ را 5 سالی روڈ میت داتگ، معیشت ءِ چکر چلئیت گڈا ملک وشھال بیت، سرکاری ھرچ ءُ درچ آنی تہ ءَ کمی ءُ برآمدات آنی ھواریں کساس ءِ تہ ءَ گیشی بیت، پنچ سال آنی تہ ءَ پاکستان ءِ معیشت ءَ را مٹ بوھگی انت، زمہ وار ی زورگ ئَ ابید دگنیا ءِ اچ نظام نہ چلئت کنت، توامیں وزارت انی گوما یکجائی ءَ کار کنان ءَ لوٹ بوتگیں آسر آناں در جناں، ھمک وزارت ءَ را ھمک مردم آنی کار کرد آنی سر ءَ چار ءُ تپاسی گرگ بیت، پیسریگیں دور ءِ حکومت ءَ ملک ءَ چہ ناشرکاری ءِ ھلاسی کتگ، دوارگ ناشرکاری ءَ را موہ دیگ نہ بیت۔ بشام ءِ واکیہ پاک چین دوستی ءَ را پرشت ءُ پروش ءِ آماچ کنگ ءِ پندل انت، پاکستانی سروک ءُ الس چین ءِ گوما ھمگام ءَ اوشتاتگ انت۔ شہید ءُ غازی راجی ہیرو انت، جوانیں دیمپانی ازمکاری آنی واستہ سلاھ بندیں ارد آنی ضلورت ءَ را سرجم کناں۔ اے ھیالانی درشانی آئی ءَ شمبے ءِ روچ ءَ بنجاھی کابینہ ءِ دیوان ءِ سروکی ءَ کنان ءَ کت۔
