اسلام آباد۔ 14جون (اے پی پی) قومی اسمبلی نا دیوان غیر معینہ مدت کن ملتوی کننگا۔ چارشنبے نا دے قومی اسمبلی ٹی بروک آ مالی سال انا بجٹ و ضمنی مطالبات زر اتون اوار ایلو ایجنڈاغاتا پوروی آن پد اسپیکر قومی اسمبلی سردارایاز صادق دیوان ئِ غیر معینہ مدت کن ملتوی کننگ نا صدارتی احکامات آتے خوانسا بنفے۔ قومی اسمبلی نا دا بجٹ دیوان 26مئی آ بناءکریسس ہراکان پد یکم جون آ صدر مملکت پارلیمنٹ نا اسیجائی دیوان آن تران کریسس۔ 9 جون اسکان بجٹ آ شرہ برجا سلیس ولے اپوزیشن بجٹ آ شرہ ٹی بشخ ہلتو و قائد حزب اختلاف نا تقریر براہ راست نشان تننگ نا غیر سنجیدہ خواست ئِ کرسا کرے وخت اس کہ مستین اٹی دُن ئُ ہچ ئُ روایت اس اف و تینٹ پیپلزپارٹی نا دوراٹی ہم قائد حزب اختلاف نا اسہ ہم تقریر اس براہ راست نشان تننگ تنے۔
