اسلام آباد۔ 11 اگست (اے پی پی) عدالت عظمیٰ سپریم کورٹ ریویوآف ججمنٹس اینڈ آرڈرز ایکٹ 2023ء ءِ کالعدم گوندانے۔ چیف جسٹس آف پاکستان جسٹس عمرعطاء بندیال نا کماشی ٹی جسٹس اعجاز الاحسن و جسٹس منیب اختر آ تالان مسہ باسکی بنچ جمعہ نادے آ داڑے 87 پنہ غاتیاتالان امنائی فیصلہ اس بنفے۔ عدالت سپریم کورٹ ریویو آف ججمنٹس اینڈ آرڈرز ایکٹ 2023ء اءِ آئین نا برخلاف گوندسا پارے کہ سرجم سوب آتے ولدا جاری کننگک۔ سپریم کورٹ انا امنائی فیصلہ ٹی پاننگانے کہ پارلیمان داوڑنا کانود جوڑ کننگ نا اختیار تخپک۔ یات سلے کہ جسٹس منیب اختر نا ودکی نوٹ ہم امنائی فیصلہ نا بشخ ءِ سپریم کورٹ ریویو آف ججمنٹس اینڈ آرڈرایکٹ نا برخلاف دائر درخواست آتیا چیف جسٹس عمرعطاء بندیال ، جسٹس اعجاز الاحسن و جسٹس منیب اختر آ تالان بنچ شش سماعت کننگ آن پد 19 جون 2023ء آفیصلہ ءِ ڈک کریسس۔ داکان مست سماعت اٹی اٹارنی جنرل منصور عثمان اعوان عدالت آن درخواست آتے خارج کننگ نا خواست کریسس وخت اس کہ درخواست گزار آک دا کانود سازی کن آئینی ترمیم ءِ المی گوندنگ ناموقف ءِ تینا کریسر۔ یات سلے کہ کانود سازی نا رداٹ آئین نا آرٹیکل 184 مسٹ نا مقدمہ غاتا فیصلہ غاتا برخلاف زہمی فریق ءِ اپیل نا حق تننگاسس و اپیل نا سماعت کروک آ بنچ اٹی جج آتا کچ مرکزی کیس ءِ بنوک آ جج آتیان زیات مننگ المی گوندنگاسس۔ سپریم کورٹ ایکٹ ءِ آئین نا برخلاف گوندسا کالعدم گوندانے۔
