اسلام آباد۔9جنوری (اے پی پی): حال ءُ اھیوال کاری ء ُ شنگکاری ءِ بنجاہی وزیر مریم اورنگزیب ءَ گشتگ کہ جنیوا کانفرنس ءِ سرجمیں روچءَ بوتگیں سرجمیں سیشن میاں اوستمانی براتی ءِ دست پچیءُ مزن دلی ءِ گوما وتی گڑی آسرءَ سربوت، میاں اوستمانی براتی ءِ نیمگءَ چہ 8.57 ارب ڈالر دیئگ ءِ جار جنگ بوتگ۔ دوشمبے ءِ روچءَ وتی یک ٹویٹءِ تہا بنجاہی وزیر ءَگشتگ کہ جینوا کانفرنس ءِ تہا یورپی یونین ءَ 93 ملین ڈالر، جرمنی ءَ 88 ملین ڈالر، چینءَ 100 ملین ڈالر، آئی ڈی جی ءَ 4.2 بلین ڈالر، میاں او ستمانی بینک ءَ 2 بلین ڈالر، جاپان ءَ 77 ملین ڈالر، اے ڈی بی ءَ 1.5 بلین ڈالر دیئگءِ جار جتگ، یوایس ایڈ 100 ملین ڈالر، فرانس ءَ 345 ملین ڈالر دیئگءِ جار جتگ۔ مُچ زر 8.57 بلین ڈالر بنت۔ مریم اورنگزیب ءَ گشتگ کہ کانفرنس ءِ دومی سرجمیں سیشن زوت بندات بیت۔
