اسلام آباد۔9جنوری (اے پی پی): حالء ُ اھیوال کاریءُ شنگکاری ءِ بنجاہی وزیر مریم اورنگزیب ءَ گشتگ کہ ہارءِ آماچیں مردمانی بحالی ء ُ آبات کنگءِ ہوالگءَ جینوا کانفرنس ءِ اولی بہر سرجم بوتگ، میاں اوستمانی براتی ءَ پاکستان ءِ ھاترءَ 8.57 ارب ڈالر ءِ جار جتگ۔ دوشمبے ءِ روچءَ وتی ٹویٹءِ تہا حالءُ اھیوال کاری ءُ شنگکاری ءِ بنجاہی وزیر مریم اورنگزیب ءَ گشتگ کہ ہارءِ آماچیں مردمانی نوک آبات کنگءِ ہوالگءَ جینوا کانفرنس ءِ اولی بہر ءَ یورپی یونین ءَ 93 ملین ڈالر، جرمنی ءَ 88 ملین ڈالر، چین ءَ 100 ملین ڈالر، اسلامی دیمروئی بینک ءَ 4.2ارب ڈالر ، میاں ا و ستمانی بینک ءَ 2 ارب ڈالر، جاپان ءَ 77 ملین ڈالر، ایشیائی دیمروئی بینک ءَ 1.5ارب ڈالر، یو ایس ایڈ ءَ 100ملین ڈالر ء ُ فرانس ءَ 345 ملین ڈالرءِ سو گند کتگ۔ جینوا کانفرنس ءِ دومی سیشن زوت بندات بوہگءَ اِنت۔
