جنیوا۔9جنوری (اے پی پی):پاکستان ءِ ہار ءِ آ ماچیں مردمانی بحالی ءِ ھاترءَ جینوا ، سویٹزرلینڈ ءَ حاس تریں میاں اوستمانی کانفرنس مرچی ( دوشمبے) ءِ روچءَبیت۔ مزن وزیر کانفرنس ءِ میڈیا ونگ ءَ چہ شنگ بوتگیں بیان ءِردءَ کانفرنس ءِ بازیں سیشن بنت، شریدارانی نیمگءَ چہ کمک ءِ جار جنگ بنت، کانفرنس ” موسمیاتی مٹء ُبدلی ءِ دیمپانی کنوکیں پاکستا ن ” ءِ سرحالءَچہ بوہگءَ اِنت۔ کانفرنس ءِ بندات ہارءِ بحالی ءِ ھاترءَ پاکستان ءَ را آسراتی ءِ سرکنگءِ نشستءَچہ بیت۔ پاکستان ءَ ہارءِ تباہی، نقصان ، کمکءُ بحالیءِہوالگءَ حاسیں ویڈیو ہم کانفرنسءَ پیش دارگ بیت۔ دری کارانی وزیر بلاول بھٹو زرداری کانفرنسءِ باسکانی شکرءُمنتءَ گپتگ۔ پاکستانءَ اقوام متحدہ ءِ ریزیڈنٹ کوآرڈینیٹر جولین ہارنیس مراگشءَ کنڈکٹ کنت۔ اقوام متحدہ ءِ سیکریٹری جنرل انتونیو گوٹیرس، فرانس ءِ صدر ایمانیول میکرون، ترکی ءِ صدر رجب طیب اردوان کانفرنسءَگوں تران ہم کنت۔ ناروے ءِ مزن وزیر جوناس گارسٹور ءُ یورپی کمیشن ءِ صدر ارسلاوون ڈیرلیین کانفرنس ءَ گوں ویڈیو تران کنت۔ سویٹزرلینڈ ءِ فیڈرل قونصلر ءُ دری کارانی فیڈرل ڈیپارٹمنٹ ءِ سروک اگنازیو کیسس کانفرنسءَ گوں تران کنت۔ اقوام متحدہ ءِ سیکریٹری جنرل ءُ مز ن وزیر محمد شہباز شریف یکجاہی پریس کانفرنس کن اَنت۔ کانفرنس ءِ موہ ءَ مزن وزیر محمد شہبا زشریف ءِ بازیں ملک آنی راہشونءُ حاسیں مردماں گوں گندء ُنندہم بنت۔ سویٹزر لینڈ ءِ فیڈرل قونصلر اگنازیو کیسس ، برطانیہ ءِ سٹیٹ منسٹر برائے ترقی اینڈریو مچل، ازبکستان ءِ دری کارانی وزیر بختیار ساجدوف مزن وزیر محمد شہباز شریف ءَگوں دونیمگی گندء ُ نند ہم کنت۔ مزن وزیر محمد شہباز شریفءَگوں چائنا انٹرنیشنل کوآپریشن ایجنسیءِ چیئرمین لوزائوہوئی ء ُ اسلامی ڈویلپمنٹ بینکءِ صدر ڈاکٹر محمد الجاسر ہم گندء ُنندکنت۔ میاں اوستمانی دیمروئی ءِ امریکی ادارگ ( یو ایس ایڈ) ءِ ڈپٹی ایڈمنسٹریٹر ایزابیل کولمین مزن وزیر ءَ گوں گندءُنند کنت۔ ورلڈبینک ءِ ایشیا ریجن ءِ نائب صدر مارٹن ریزر ہ مزن وزیرءَگوں گندء ُنند کنت۔
