جنیوا ۔8جنوری (اے پی پی): مزن وزیر محمد شہباز شریف مزن تکی ڈل ءِ ھمبراھی ءَ دو روچی تر ءُ تاب ء ھاترا جنیوا ءَ پج اتگ۔ مزن وزیر ءِ ڈل ءَ وزیر ءِ درئی کار بلاو ل بھٹو زرداریک، وزیر ءِ ھزانگ محمد اسحاق ڈار، وزیر ءِ موسمی مٹ ءُ بدلی شیری رحمان، وزیر ءِ منصوبگ بندی احسن اقبال ءُ وزیر ءِ اھوالکاری ءُ شنگ کاری مریم اورنگزیب ھوار انت۔ مزن وزیر مرچی دو شمبے ءِ روچ ءَ 9 جنوری 2023 ءَ یونائیٹڈ نیشن ءِ سیکرٹری جنرل انتو نیو گوتیرس ءِ گوما یکجائی ءَ پاکستان ءِ نوک سر جوڑیشت ءُ برجائی کار آنی بن گپ ءِ ھوالگ ءَ میاں اوستمانی کانفرنس ءِ میزبانی ءَ کنت۔ پاکستان کانفرنس ءَ نوک سر جوڑشیت ءُ سیلاپ ءَ چہ آماچیں دمگ آنی برجائی کار آنی فریم ورک پیش کن انت، ءُ ایشرا پکوئیں رنگ دیگ ءِ واستہ میاں اوستمانی کمک ءُ دراج بریں شریکداری ءِ ارزشت ءِ ھوالگ ءَ زور پر دنت۔
