اسلام آباد۔8جنوری (اے پی پی):پاکستان 9 جنوری ءَ جنیوا ءَ پاکستان ءِ نوک سر جوڑیشت ءُ برجائی ءَ شریکداری ءِ بن گپ ءَ میاں اوستمانی کانفرنس ءِ دیمروئی شریکدار ءُ دوستیں ملک آنی دیم ءَ برجائی ءُ نوک سر جوڑیشت ءِ واستہ یک ٹوھیں فریم ورک پلان ءِ پیش کنت۔ مزن وزیر شہباز شریف یونائیٹڈ نیشن ءِ سیکرٹری جنرل انتونیو گوتریس ءِ ھمبراھی ءَ کانفرنس ءِ گوما یکجائی میزبانی کنت۔ روانگی ءَ چہ پیسر مزن وزیر ءَ وتی ٹویٹ ءَ گوشت کہ فنڈنگ ءِ پرک ءَ سرا پورا کنگ ارزشتی ایں انفرانسٹرکچر ءِ برجائی، زندمان ءُ معاش ءِ نوک سر جوڑیشت ءُ معیشت ءِ برجائی ءِ واستہ کلیتی بستار ءِ دار ایت۔ آئی ءَ گوشت کہ لکھانی پاکستانی ، ایش سیلاپ ءِ سبب ءَ بے دروریں تباہی ءَ چہ آماچ بوتگ انت، دلپدردی ءُ یکوئی ءِ پٹ ءُ پول ءَ انت تانکہ آ گہتریں رنگ ءَ دوارگ جوڑیشت بکنت انت۔ بنی آدم دوستی یک بے دروریں سیم سرے ءَ سر انت۔ مزن وزیر ءَ وتی ٹویٹ ءَ گوشت کہ مرچیگیں گامگیج مئے آیوکیں باندات ءِ جوڑیشت ءَ کنت۔ آئی ءَ گوشت کہ آ سیلاپ ءِ آماچیں مردم آنی کیس ءَ را دگنیا ءِ دیم ءَ پیش کنگ ءِ موہ ءَ چہ سیت چست کنت ءُ وتی حکومت ءَ را ریلیف ءُ برجائی ءِ گامگیج آنی بابت ءَ سرپد کنت۔ مزن وزیر شہبازشریف یک شمبے ءِ روچ ءَ یونائیٹڈ نیشن ءِ سیکرٹری ءِ ھمبراھی ءَ کانفرنس ءَ شریک سروکی ءِ واستہ مزن تکی ڈل ءِ ھمبراھی ءَ جنیوا ءَ روادگ بوتگ۔ وزیر ءِ درئی کار بلاول بھٹو زرداری، وزیر ءِ ھزانگ اسحاق ڈار، وزیر برائے موسمی مٹ ءُ بدلی شیری رحمان ءُ وزیر ءِ اھوالکاری ءُ شنگ کاری مریم اورنگزیب ھم مزن وزیر ءِ ھمبراھ ات۔ کانفرنس ءِ ساھت ءَ پاکستان فریم ورک پلان ءِ پد ءُ رند ءِ واستہ کمک ءُ دراج بریں شریکداری ءِ ضلورت ءِ بابت ءَ زور دنت۔ مزن تکی بنگیجی دیوان ءِ موہ ءَ سیلاپ ءَ چہ آماچیں دمگ آنی نوک سر جوڑیشت ءُ برجائی ءِ واستہ سرکاری مس آنی سہرائی کنگ بیت ءُ ھمبراہ آنی کمک ءِ واستہ جار آناں سہرا کنگ بیت۔ مزن وزیر ءُ یونائیٹڈ نیشن ءِ سیکرٹری جنرل یکجائی پریس اسٹیک آوٹ ھم کنت انت۔ بازیں ملک ءُ میاں اوستمانی مالیاتی ادارگ ، فائونڈیشنز ءُ فنڈز آنی سروک ءُ مزن تکی نماھندگ آنی کانفرنس ءَ وت مستر یا ورچوئیل شریک بوھگ ءِ اوست کنگ بوھگ ءَ انت۔ اے کانفرنس حکومت، سرکاری ءُ جندی شوبگ آنی سروک ءُ سول سوسائٹی ءَ را پاکستان ءِ الس ءُ حکومت ءِ کمک ءِ واستہ یکجا کنت۔ کانفرنس ءَ چہ پیسر ایش نوک سر جوڑیشت ءِ فیرم ورک پیش کنگ بیت آ موسم ءِ جوان بوھگ ءُ ٹوھیں اندازگ ءَ برجائی ءُ نوک سر جوڑیشت ءِ واستہ پراھ ءُ شاھیگانیں گامگیج سہرا کنت۔ پاکستان میاں اوستمانی کمک ءِ در جنگ ءِ کوشست ءَ کنت ءُ پاکستان ءِ موسمی جاور ءُ نوک سر جوڑیشت ءِ واستہ پراھ ءُ شاھیگانیں شریکداری برجا کنت۔
