اسلام آباد۔8جنوری (اے پی پی): مزن وزیر محمد شہباز شریف مزن تکی ڈل ءِ ھمبراھی ءَ اسلام آباد ءَ چہ جنیوا ءَ روادگ بوتگ۔ مزن وزیر ءِ ڈل ءَ وزیر ءِ درئی کار بلاول بھٹو زرداری ، وزیر ءِ ھزانگ محمد اسحاق ڈار وزیر ءِ موسمی مٹ ءُ بدلی شیری رحمان ءُ وزیر ءِ اھوالکاری ءُ شنگ کاری مریم اورنگزیب ھم ھوار انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیانءِ رد ءَ مزنو زیر 9 جنوری 2023 ءَ یونائیٹڈ نیشن ءِ سیکرٹری جنرل انتو نیو گوترس ءِ گوما یکجائی ءَ پاکستان ءِ نوک سر جوڑیشت ءُ برجائی ءَ شریکداری ءِ بن گپ ءِ پد ءَ میاں اوستمانی کانفرنس ءِ میزبانی ءَ کنت۔ پاکستان ءِ کانفرنس ءَ را نوک سر جوڑیشت ءُ سیلاپ ءَ چہ آماچیں دمگ آنی تہ ءَ برجائی فریم ورک پیش کنت ءُ ایشرا پکوئیں رنگ دیگ ءِ واستہ میاں اوستمانی کمک ءُ دراج بریں شریکداسری ءِ ارزشت ءِ سر ءَ زور پر دنت۔ کانفرنس ءَ مزن تکی بنگیجی دیوان ءَ چہ پد یک شلیں رنگ ءَ نوک سر جوڑیشت ءُ برجائی ءِ مسل پیش کنگ بیت ءُ ایشی ءَ ابید پارٹنر سپورٹ ءِ جار جنگ بیت۔ مزن وزیر ءُ یونائیٹڈ نیشن ءِ سیکرٹری جنرل یکجائی پریس سٹیک آوٹ ھم شریکداری کنت۔ کانفرنس ءَ مملکت ءُ حکومت آنی سروک، وزیر ءُ جتا جتائیں ملک آنی مزن تکی نماھندگ ءُ میاں اوستمانی مالیاتی ادارگ ، فائونڈیشنز ءُ فنڈز ءِ گوما میاں اوستمانی دیمروئی ل گل، جندی شوبگ، سول سوسائٹی ءُ ل آئی این جی اوز ءِ نماھندگ شریک داری کن انت۔
