اسلام آباد۔8جنوری (اے پی پی): مزن وزیر محمد شہباز شریف مزن تکی ڈل ءِ ھمبراھی ءَ مرچی یک شمبے ءِ روچ ءَ اسلام آباد ءَ چہ جنیوا ءَ روادگ بیت۔ مزن وزیر ءِ ڈل ءَ وزیر ءِ درئی کا ر بلاول بھٹو ز رداری، وزیر ءِ ھزانگ محمد اسحاق ڈار، وزیر برائے موسمی مٹ ءُ بدلی شیری رحمان ءُ وزیر ءِ اھوالکاری ءُ شنگ کاری مریم ا ورنگزیب ھوار بنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں جار ءِ رد ءَ مزن وزیر 9 جنوری 2023 ءَ یونائیٹڈ نیشن ءِ سیکرٹری جنرل انتونیو گوترس ءِ گوما یکجائی ءَ پاکستان ءِ نوک سر جوڑیشت ءُ برجائی ءَ شریکداری ءِ بن گپ ءَ میاں اوستمانی کانفرنس ءِ میزبانی ءَ کنت مرچی یک شمبے ءِ روچ ءَ جنیوا ءَ روادگ بیت۔ پاکستان کانفرنس ءَ نوک سر جوڑیشت ءُ سیلاپ ءَ چہ آماچیں دمگ آنی برجائی ءِ فریم ورک پیش کنت ءُ ایشرا گڈی آپسر ءَ پجاری ءِ واستہ میاں اوستمانی کمک ءُ دراج بریں شریکداری ءِ ارزشت ءِ سر ءَ زور پر دنت۔ کانفرنس ءَ مزن تکی بنگیجی دیوان ءَ چہ پد یک شلی ءَ نوک سر جوڑیشت ءُ سیلاپ ءِ آماچیں دمگ آنی برجائی ءَ شریکداری ءِ مسل آنی بنگیج ءَ کنت۔ ایشی ءَ چہ پد پارٹنر سپورٹ ءِ جار جنگ بنت۔ مزن وزیر ءُ یونائیٹڈ نیشن ءِ سیکرٹری جنرل یکجائی پریس سٹیک آوٹ ءَ ھم شریکداری کنت۔ یات دارگ بہ بیت کہ کانفرنس ءَ مملکت آنی ءُ حکومت آنی سروک ، وزیر ءُ بازیں ملک آنی مزن تکی سروک ءُ میاں اوستمانی مالیاتی ادارگ، فانڈیشنز ءُ فنڈز آنی گوما میاں ا وستمانی دیمروئی گل، جندی شوبگ، سول سوسائٹی ءُ آئی این جی اوز آنی نماھندگ ھم شرکت کن انت۔
