اسلام آباد۔8جنوری (اے پی پی): مزن وزیر محمد شہباز شریف ریزیلینٹ پاکستان میاں اوستمانی کانفرنس ءِ یونائیٹڈ نیشن ءِ سیکرٹری جنرل ءِ ھمبراھی ءَ یکجائی میزبانی ءِ واستہ جنیوا ءَ روادگ بوتگ۔ آھودا سیلاپ ءَ چہ آماچیں مردم آنی کیس ءَ را دگنیا ءِ دیم ءَ پیش کنگ ءِ موہ رسیت۔ یک شمبے ءِ روچ ءَ وتی ٹویٹ ءَ مزن وزیر ءَ گوشت کہ اے کانفرنس ءِ ساھت ءَ شریکیں مردم آناں وتی حکومت ءِ نیمگ ءَ آماچیں مردم آناں رلیف ءُ برجائی ءِ واستہ چست کتگیں گامگیج آنی بابت ءَ سرپد ھم کنت۔ آئی ءَ گوشت کہ کانفرنس ءِ ساھت ءَ تباہی ءَ چہ پد برجائی، نوک سر جوڑیشت ءُ ریکوری ءِ ھوالگ ءَ ٹوھیں پلان ھم دوستیں ملک ءُ دیمروئی شریکدار آنی دیم ءَ سہرا کنت۔ مزن وزیر ءَ گوشت کہ اے بنیاتی کوکا، زندمان ءُمعاشی ءِ جوڑیشت ءُ روزگار ءُ معیشت ءِ برجائی اے فنڈنگ ءِ ھورکی ءَ را پر کنگ ءِ واستہ ارزشتی انت۔ آئی ءَ گوشت کہ بنی آدم دوستی تاریخ ءِ جوانیں نکان انت۔ مئے مرچیگیں گامگیج مئے آیوکیں باندات ءَ را روژنائی پجاری کنت۔ سیلاپ ءُ ھور ءُ ھار ءَ چہ لکھانی پاکستانی آماچ بوتگ انت ءُ آ یکوئی ءِ وداریگ آں ایش ایشاناں دوارگ گہتریں جوڑیشت ءِ نیمگ ءَ بارت۔
