اسلام آباد۔8جنوری (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ پشاور پریس کلب ءِ نوک گچین بوتگین کارندہ آناں مبارک بات داتگ یک شمبے ءِ روچ ءَ وتی بیان ءَ بنجاھی وزیر اھوالکاری ءُ شنگ کاری ءَ ارشد عزیز ملک ءَ را صدر، رضوان شیخ ءَ نائب صدر، عرفان موسی زئی ءَ را جنرل سیکرٹری ، طیب عثمان ءَ را جوائنٹ سیکرٹری، عماد وحید ءَ را سیکرٹری ھزانگ گچین بوھگ ءُ مجلس عاملہ ءِ ایندگر باسک آناں کامیات بوھگ ءِ پد ءَ مبارک بات دات۔ پشاور پریس کلب ءِ نوک گچی بوتگیں کارندہ آنی نام ءَ وتی دلپدردی کلوہ ءَ بنجاھی وزیر اھوالکاری ءُ شنگ کاری مریم اورنگزیب ءَ گ وشت کہ پی ڈی ایم ءِ حکومت آزاتی ءَ گوں وتی لیکہ ءِ درشان ءِ پد ءَ دل یکیمی دار ائیت۔ آئی ءَ گوشت کہ مئے حکومت ءَ اھوالکاری پڑ ءَ گوں بندوکیں برات آنی رکھینگ ءِ واستہ گامگیج چست کتگ۔ بنجاھی وزیر اھوالکاری ءَ گوشت کہ پریس کلب ءِ اھوالکاری ءَ مدام پازیٹیو ءُ زمہ واریں اھوالکاری ءَ را دیمروئی داتگ۔ مریم اورنگزیب ءَ گوشت کہ پشاور پریس کلب ءِ نوکیں باڈی پریس کلب ءُ اھوالکار آنی گہبود ءِ واستہ وتی ھاٹیگ آناں ھرچ کنت۔ بنجاھی وزیر ءَ پشاور پریس کلب ءِ نوکیں باڈی ءِ واستہ نیکیں واھگ آنی درشان ھم کت۔
