اسلام آباد۔7جنوری (اے پی پی):صدر مملکت ڈاکٹر عارف علوی ءَ انچو پہ دیمیں دزبندی جم کنگ، وھد ءُ آسراتی آنی زیان کنگ ءِ پد ءَ یونائیٹڈ بنک لمیٹڈ ءِ سر ءَجرمانہ جت، ایوک ءَ 20 ہزار کلدار ءِ مسلہ ءِ بینک ءِ لین دین کیس ءَ بینک ءِ نیمگ ءَ بینکنگ محتسب ءِ پیسلہءِ ھلاپ ءَ انچو پہ دیمیں دزبندی جمگ کنگ ءِ پد ءَ 20000 ہزار کلدار جرمانہ جنگ بوتگ۔ ایوان ءِ صدر ءِ پریس ونگ ءِ رد ءَ صدر مملکت ءَ گوشتگ کہ بینک وتی کسٹومر آناں گار بوتگیں زر آناں دیگ ءِ ھواری ءَ جرمانہ ھم بہ دنت۔ بینک ءَ وتی آسراتی ءُ وھد ءِ زیان ءِ گوما بینکنگ محتسب ءُ ریاست ءِ سروک ءِ وھد ءَ را زیان کتگ۔ یوبی ایل ءَ بینکنگ محتسب ءِ حکم آنی ھلاپ ءَ صدر مملکت ءِ کرا یک کیسے ءَ دزبندی جم کتگ بوتگ۔ کسٹومرے ءَ یو بی ایل ءِ اے ٹی ایم ءَ چہ 20 ہزار کلدار کشگ ءِ کوشست کتگ بوتگ بلے ایش در نہ اتکگ انت ءُ آئی ءِ اکاونٹ ءَ چہ کٹ کنگ بوتگ انت۔ کسٹومر ءَ بینک ءَ را شکاست درج کنائینتگ ءُ جیڈھ ءَ را گیوار کنگ ءِ فارم ھم پر کتگ بوتگ بلے ایشی ءِ شکاست ءَ را سرسری رنگ ءَ رد کنگ بوتگ۔ کسٹومر ءَ اے جیڈھ ءَ را بینکنگ محتسب ءِ دیم ءَ سہرا کتگ۔ اے رد ءَ بینکنگ محتسب ءَ کسٹومر ءِ زر آناں واپس کنگ ءِ حکم جاڑی کتگ۔ صدر ءَ بینک ءِ نمائندگی ءَ را اے بنیات ءَ رد کتگ کہ بینک سٹیٹ بینک آف پاکستان ءِ پنت ءُ شون ءَ را سرجم کنگ ءُ وتی کانودی زمہ واری آناں پیلو کنگ ءَناکام بوتگ۔
