اسلام آباد۔ 25اپریل (اے پی پی) وزیراعظم نا سلاہکار قومی تاریخ و ادبی میرات عرفان صدیقی اردو نا پنی ناول نگار ایم اے راحت نا کزیت آ ڈکھ و غم نا درشانی ئِ کرینے۔ سے شنبے نا دے تینا ہڑزخواہی کلہو اٹی عرفان صدیقی پارے کہ ایم اے راحت نا تخلیق کروک ناول ، چناتے کن کسہ، علمی ، ادبی و السی حلقہ غاتیٹی بے حد پنی مس۔ ناول و کسہ غاتیٹی اونا تخلیق کروک کڑد آتیانبار ایم اے راحت ہم اردو ادب اٹی ہمیشہ زندہ سلک و تینا ساڑی گری نا احساس ئِ ترسا کیک۔ اودعا کرے کہ اللہ تعالیٰ ایماندار ئِ جنت الفردوس اٹی جاگہ ایتے و خاہوت ئِ صبر کننگ نا توفیق عطاءفرمائفے۔
