اسلام آباد۔ 24اپریل (اے پی پی) بنجائی وزیر انسانی حق سینیٹر کامران مائیکل پارینے کہ وزیراعظم محمدنواز شریف نا سروکی ٹی ساڑی حکومت غٹ اقلیتی برادری تا حق انا رسینگ ئِ پین آسان جوڑ کننگ کن پوسکن آ دور انا گرج انا رداٹ درکار کانود سازی کننگ ئِ۔ دوشنبے نا دے اسہ بیان اسے ٹی بنجائی وزیر پارے کہ حکومت پاکستان غٹ اقلیتی برادری خاص کر نیاڑی و چناتا بنداوی حق انا فراوانی کن پدریسہ کوشست کننگ ئِ۔ دا چرجوئی ٹی انسانی حق انا بروخت فراوانی کن ضلعی کہول آ جتا کمیٹی ہم جوڑ کننگانے۔ اوپارے کہ نن چائلڈ لیبر و جبری برام نا توننگ کن ہم کانود سازی اس کننگ والا اُن۔ اوپارے کہ اقلیت آتا فائدہ و روا حق آتا رکھ ئِ کننگ آئینی ئُ زمواری اسے و چناو لمہ ، خاہوت و برام نا رکھ ہم ہندا زمواری ٹی اوار ئِ۔ اوپارے کہ ہندوتا برام نا رجسٹریشن ئِ ریگولیٹ کننگ نا ہچ ئُ کانود اس ہلوکہ ۔ ساڑی حکومت ہندوتا برام ئِ ریگولیٹ کننگ کن تاریخی ہندو میرج بل اس منظور کرے۔
