اسلام آباد۔ 23اپریل (اے پی پی) ملک اٹی ریلوے نیٹ ورک انا گچینی و اپ گریڈیشن نا کیہی ڈٹ آتیا کاریم برجائِ۔ سرکاری ذرائع ریڈیو پاکستان ئِ پارے کہ حکومت ملک اٹی ریلوے نا نیٹ ورک انا گچینی کن چندی ڈٹ آتیا کاریم کننگ ئِ۔ سرکاری ذرائع نا رداٹ اینخو مالی سال اٹی دا ڈٹ آتے کن 47 کروڑ چِل لکھ روپئی جتا کننگانے۔ جاری ڈٹ آتیٹی پیپ لین نا بدلی ،دیر انا آسراتی تا فراوانی و ایلو سازوسامان و مچ آ ملک اٹی جتا ریلوے اسٹیشن آتیا سیکورٹی بست و بند آتیٹی گچینیک اوار ئُ۔ ریلوے نا شونداری ڈٹ آتیٹی ریلوے اسٹیشن آتیا خاخر کسفوک آ ازباب آتا فراوانی و جوڑ جاڑی کاریم ہم اوار ئِ۔ گدرینگوک آ مسہ سال اٹی متکن آ ریلوے لین تے پنجا کروڑ روپئی خڑچ آن گچین جوڑ کننگانے۔
