اسلام آباد۔ 03 مئی (اے پی پی) صدر مملکت ڈاکٹر عارف علوی تون چنکا عئید انا وخت آ زند انا چندی بشخ آتیان تعلق تخوک آ شخصیت آک سے شنبے نادے آ داڑے ایوان صدر اٹی عید ملن پروگرام اٹی اوڑدہی کریر و اودے عئید انا مبارکبادی تسر۔ سول سوسائٹی نا نمائندہ ، پارلیمنٹ نا باسک، اسلام آباد اٹی رہینگوک آ درملکی سفیر، ایوان صدر نا عملہ و اوفتا خاہوت آتون اوار زند انا چندی بشخ آتیان تعلق تخوک آ بندغ آک ہم دود اٹی بشخ ہلکر۔ خاتون اول بیگم ثمینہ عارف علوی ہم داوخت آ صدر مملکت تون اوار ئسک۔ صدر مملکت تون داوخت آ دارالحکومت اٹی رہینگوک آ پیشن نا سفارتکارآک اوڑدہی کریر و اودے چنکا عئید انا مبارکبادی تسر۔ صدر مملکت مہمان تے جم وجوش اٹ بخیر کرے اوفتے ایوان صدر اٹی ببوخیرٹ پارے۔ زند انا چندی بشخ آتیان تعلق تخوک آ بندغ آک ہم صدر تون عئید ملن بیابخیری پروگرام اٹی اوڑدہی کریر۔ عئید انا وخت آ بروک آ مہمانک ڈاکٹر عارف علوی تون عکس ہم کشار، اوکان پد مہمان تا ایوان صدر اٹی ہنین آ و ایلو کنوئی آگڑاتے اٹ تواضع ءِ ہم کننگا۔
