اسلام آباد۔ 03 مئی (اے پی پی) صدر مملکت ڈاکٹر عارف علوی چنکا عئید انا نماز ءِ بنجائی دارالحکومت اسلام آباد نا فیصل مسجد اٹی خوانا۔ سے شنبے نادے آ بنجائی وزیر آک، اسلام آباد اٹی متعین اسلامی ملک آتا سفیر آک، بڑزکو سرکاری آفیسر آک و شارانا سرکڑدہ غاک ہم صدر مملکت تون اوار عئید انا نماز ءِ فیصل مسجد اٹی خوانار۔ صدر مملکت عئید انا نماز ءِ خواننگ آن پد مخلوق تون ملا۔ عئید انا نماز اٹی ملک انا سالمیت، شونداری، بقاء و کشمیر و فلسطین تون اوار مقبوضہ مسلم علاقہ غاتا درملکی کوزہ گیری آن آجوئی کن دعاکننگا۔ اسلام آبا داٹی عئید انا نماز نا غٹ آن بھلا اجتماع فیصل مسجد اٹی مس ہراٹی ہزار آ اسلام نا فرزند آک شریک ئسر۔ داکان بیدس صدر ڈاکٹر عارف علوی تینا اسہ ٹویٹ اسے ٹی عئید انا خوشی نا وخت آ الس ءِ مبارکبادی پیش کرینے۔ اوپارے کہ روچہ مبارک اٹی نن استغفار کینہ، غریب آتا خیال ءِ تخنہ و پاکیزگی نا غرض اٹ روچہ تخنہ و لنگڑی ءِ پہہ مرینہ ولے عئید جشن انا پن ءِ۔ صدر مملکت پارے کہ پاکستان نا شونہالی و عظمت کن دعا کیوہ۔
