کوئٹہ۔ 03 مئی (اے پی پی) چیف سیکرٹری بلوچستان عبدالعزیز عقیلی چنکا عئید انا وخت آ مبارکبادی ترسا پارینے کہ نن اللہ تعالیٰ نا شکر ءِ ادا کین کہ اللہ ننے خوشی تا دادے ءِ تس۔ چنکا عئید انا مسخت مسلمان تیٹی سیوت، اخوت ، ایثار و سخاوت ءِ مون آ دننگ ءِ۔ چیف سیکرٹری بلوچستان پارے کہ عئید انا حقی خوشی ضرورت مند آتے خوشی تیٹی شریک کرسا ہی دوئی مننگ کیک ، داہمووخت آ مننگ کیک ہراتم نن اسلام نا اصول آتیا عمل کین۔ اوپارے کہ حکومت بلوچستان صوبہ والس نا شونداری و شونہالی کن سہی سمت اٹ سفر نا بناءِ کرینے، چیف سیکرٹری خوشی نا دا وخت آ غٹ محکمہ غاتے پرمان جاری کرسا پارے کہ الس نا ویل آتے ایسر کننگ کن غٹ وسیلہ غاتے کاریم اٹ اتنگے۔ اومستی تینا کلہو اٹی پارے کہ پبلک سروس ڈلیوری ءِ ہرحال اٹ پک کننگک۔ چیف سیکرٹری بلوچستان پارے کہ کنا اللہ تعالیٰ آن دعا ءِ کہ ننا ملک پاکستان ءِ امن، شونداری و شونہالی نا بے مٹ ءُ وت اس جوڑ کے، ہرادے ہُننگ کن ننا غٹ انا خنک چاری ءُ، اللہ تعالیٰ اینو نادے ءِ غٹ مخلوق کن خوشی تا دے اس کے۔
