لاہور۔ 03 مئی (اے پی پی) وزیراعظم شہبا زشریف پارینے کہ لائخ آفیسر آک بلاشبہ ملک انا نہادی میرات مریرہ و ملکی شونداری و شونہالی ٹی سیاسی حکومت نا راہشونی ءِ کیرہ، ہرامیگا پروجیکٹ آک ایسر اسکان سرمریر او میٹرو مرے یا اورنج لائن آفیسر آک و ایلو حکومتی کارندہ غاتا دے و نن خواری نا بھرم ءِ۔ داخیال آتا درشانی ءِ او لاہور اٹی ریٹائرڈ و حاضر سروس سول و انتظامیہ نا آفیسر آتون اوڑدہی ٹی کرے ہرافک سے شنبے نادے آ وزیراعظم تون اوڑدہی کریر۔ اوڑدہی ٹی شریک آفیسر آک وزیراعظم ءِ گورننس ، انتظامی امور و پالیسی تا نفاذ نا بابت تینا آزموندہ غاتیان معلومدار کریر۔ داوخت آ گپ وتران کرسا وزیراعظم شہباز شریف پارے کہ است انا حب اٹ نمے عئید مبارکباد پیش کیوہ۔ اوپارے کہ پاکستان نا خوش بختی ءِ کہ داڑے نم کون ءُ قابل آفیسر ارے ، بلاشبہ نم ملک انا نہادی میرات اورے، قابل آفیسر آک سیاسی حکومت نا ملکی شونداری وشونہالی ٹی راہشونی کمک کیرہ۔ اوپارے کہ ہرا میگا پروجیکٹ آک ایسر اسکان سرمریر او میٹرو مرے یا اورنج لائن آفیسر آک و ایلو حکومتی کارندہ غاتا دے و نن نا خواری تا بھرم ءِ ، کیپٹن تینا ٹیم آن بیدس ہچ اس کننگ کپک۔ اوپارے کہ احتساب و شفافیت نا آڑاٹ آفیسر آتے بے سوب زیزاریفسا اوفتا کارکڑد ءِ زہمی کننگ نا کوشست کننگا۔ وزیراعظم پارے کہ قومی خذمت ننا نصب العین ءِ ، اللہ کنے اسہ وار ولدا قوم انا خذمت نا موقع تسنے، کنا دا عزم ءِ کہ قابل آفیسر آتون دا سفر نا بناءِ کیو۔ اوپارے کہ احتساب و شفافیت اتنگ کن کانود نا بابت غٹ اسٹیک ہولڈر آتون سلابت کننگک، سول سرونٹ حکومتی ٹیم نا بشخ مریک اوفتا گڑتی تا توننگ ہم المی ءِ۔ دیوان اٹی چیف سیکرٹری پنجاب، چندی محکمہ غاتا سیکرٹریک، مسکوہی چیف سیکرٹریک و چندی محکمہ غاتا سروک آک آخبت نا ڈٹ ، گچین بیورو کریسی نا کڑد و الس ءِ چندی بشخ آتیٹی ریلیف نا بابت سلاہ ہم تسر۔
