اسلام آباد۔ 03 مئی (اے پی پی) چیئرمین سینیٹ محمد صادق سنجرانی پارے کہ جمہوری قدر و راجی شونداری ٹی آجو و زموار صحافت اسہ مرکزی حیثیت اس اختیار کرینے۔ آجوئی صحافت نا جہانی دے انا وخت آ تینا کلہواٹی اوپارے کہ ریاست نا آئین صحافی تے اوفتا فرض انا سرتننگ اٹ ہروڑنا رکھ فراوان کیک۔ دادے آ داقول ءِ دُوارہ کننگک کہ صحافی قومی شونداری و شونہالی کن تینا زمواری ءِ پورو نیک نیتی و ایمانداری اٹ ادا کیک۔ چیئرمین سینیٹ پارے کہ صحافت نا آب ءِ گچین کننگ کن حکومت ہروڑنا کمک فراوان کننگ کن ہم تیار ءِ۔ ڈپٹی چیئرمین سینیٹ مرزامحمد آفریدی آجوئی صحافت نا جہانی دے انا وخت آ تینا جتا کلہو اسے ٹی پارے کہ نن دا عزم انا درشانی ءِ کینہ کہ صحافی تے مون تروک غٹ ویل آتے اولیتی بنداو تیا ایسر کننگک تانکہ صحافی برادری بے خوف و خلیس سچ انا توار مننگ کے و ملکی شونداری ٹی تینا کڑد ءِ اداکننگ کے۔
