اسلام آباد۔ 03 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ راج انا اصل ضمیر اسہ زموار ءُ باضمیر آجو پریس اس مریک، بڑزکو اخلاقی آب و زموارانہ صحافت اٹ پریس شفافیت ، جوابدہی و صحت مندانہ مکالمہ نا کڑد اس تخک۔ دوشنبے نادے آ جہانی یوم آجوئی صحافت نا وخت آ تینا ٹویٹ اٹی اوپارے کہ ننا اجتماعی زمواری ءِ کہ پریس آ ہروڑنا جور و بیدادی و خلیفنگ و دھڑکونا مذمت کن متحد مرین۔
