کوئٹہ۔ 29 اپریل (اے پی پی) محکمہ جان جوڑی بلوچستان نا کمامدار آک پارینو کہ کوئٹہ و صوبہ نا ایلو علاقہ غاتیٹی ترینزک ، روبیلا تون اوار چندی ناجوڑی تیان بچفنگ کن چناتے ٹیکہ خلنگ نا اسہ ہفتہ نا مہم پورو مسنے ہراٹی دوسال کم وئی ناچناتے چندی ناجوڑی تیان بچفنگ نا ٹیکہ خلنگا کوئٹہ ٹی طبی چاہندار آتا پاننگ ءِ کہ اسہ جان جوڑ راج اسے نا ٹہیفنگ کن چندی ناجوڑی تیان بچفنگ نا ٹیکہ غٹ چناتا بنداوی حق ءِ ڈائریکٹر محکمہ جان جوڑی بلوچستان اختر حسین بلیدی پارے کہ دا ننا غٹ انا زمواری ءِ کہ پھل کون آ چناتے ناجوڑی تیان مرتخنگ کن دمدستی وڑاٹ اوفتے ویکسین خلفر انتئے کہ ہرسال ترینزک و دست انا ناجوڑی تیان بھاز انگا چناک زہمی مریرہ ، اوپارے کہ ویکسین غٹ چناتا بنداوی حق ءِ و دا چناتسکان ویکسین ءِ سرکننگ حکومت نا زمواری ءِ دابارواٹ ڈسٹرکٹ ہیلتھ آفیسر کوئٹہ ڈاکٹر نور بخش بزنجو پارے کہ چناتے ٹیکہ خلنگ حکومت تون لمہ و باوہ غاتا زمواری تیٹی اوار ءِ۔
