بلوچستان پولیس نا کنڈآن کوئٹہ تون اوار مچ آ بلوچستان اٹی  جمعتہ الوداع نا بابت خصوصی گام گیج کننگا، آئی جی پولیس بلوچستان محسن حسن بٹ

کوئٹہ۔ 29 اپریل (اے پی پی) بلوچستان پولیس نا کنڈآن کوئٹہ تون اوار مچ آ بلوچستان اٹی جمعتہ الوداع نا بابت خصوصی گام گیج کننگا۔ آئی جی پولیس بلوچستان محسن حسن بٹ پارے کہ روچہ مبارک نا آخیریکو عشرہ نا جمعتہ الوداع نا وخت آ بحالی امن کن سیکورٹی نا خصوصی گام گیج کننگا و چندی مسیت آتیٹی ودکی سیکورٹی کارندہ تعینات کننگا داکان بیدس، خصوصی پیٹرولنگ اسکاڈز نا مچ آ شاراٹی  گشت برجائسک وخت اس کہ حالیت آتے مانیٹر کننگ کن ڈیٹا کمانڈ اینڈ کنٹرول سینٹر ہائی الرٹ ئسک۔ اوپارے کہ جمعتہ الوداع نا وخت  آ کوئٹہ شر اٹی اِرا ہزار آن زیات ودکی پولیس کارندہ تعینات کننگا۔ آئی جی پولیس پارے کہ کوئٹہ تون اوار مچ آ صوبہ ٹی امن و ایمنی ءِ برقرار تخنگ کن بلوچستان پولیس غٹ دوئی  وسیلہ غاتے کاریم اٹ اتنگ ءِ۔ الس نا جانی و مالی رکھ اکن فول پروف سیکورٹی بست وبند ءِ پک کننگ انگ ءِ۔