کوئٹہ۔ 29 اپریل (اے پی پی) بلوچستان عوامی پارٹی ضلع جعفر آباد نا ضلعی صدر میر ریاض خان ہجوانی پارینے کہ بنجائی وزیر نوابزادہ شاہ زین بگٹی تون مروک آ واقعہ مذمت نا قابل ءِ مسجد نبوی صلی اللہ علیہ و آلہ وسلم اسہ مقدس ءُ جاگہ اسے ہراڑے ترند ہیت کننگ آ ہم منع ءِ ولے بھاز است ہسونی اٹ پاروئی تمک عمران خان و شیخ رشید نا غلط پالیسی تا سوب آن اخلاقیات آن عاری داوڑنا واقعہ ودی مننگ ءُ، صحافی تتون گپ وتران کرسا میر ریاض حسین پارے کہ داواقعہ نا غٹ تر زمواری شیخ رشید آ عائد مریک منہ دے مست او تینٹ ہی اسہ ویڈیو اس جاری کریسس ہراٹی او داوڑنا واقعہ اس رونما مننگ نا پیشگوئی کریسس اوپارے کہ دین اسلام امن ایلم نا فضاءِ قائم کننگ نا درس ایتک۔ سعودی عرب حکومت واقعہ ٹی اوار دوبہ دار آتا برخلاف کارروائی کے اوپارے کہ دا واقعہ آن مچ آ پاکستانی قوم و خاص کر بلوچ قوم ءِ بھاز است ہسونی مسنے نوابزادہ شاہ زین بگٹی بلوچ قوم انا عظیم راہشون ءِ اوسعودی عرب اٹی زالبول نا رکھ ءِ کرسا بلوچی روایت آتے برقرار تخانے۔ اوپارے کہ مقدس ہند آتیا بایدے سیاست مف۔
