اسلام آباد۔ 28 اپریل (اے پی پی) سعودی عرب نا ولی عہد شہزادہ محمد بن سلمان بن عبدالعزیز نا سلہ غا وزیراعظم محمد شہباز شریف سعودی عرب نا مسہ دے ئی بڑزکو کہول انا سرکاری دورہ غا اینو پنچ شنبے نادے آ مدینہ منورہ غا رسینگک۔ وزارت عظمیٰ نا منصب ءِ سنبھالنگ آن پد وزیراعظم نا دا اولیکو درملکی دورہ مریک۔ دورہ ٹی وزیراعظم سعودی سرکڑدہ غاتون اوڑدہی تیٹی اقتصادی واپاری و زرکاری کون آ تعلقداری تے مون آ دننگ آن بیدس سعود ی عرب اٹی پاکستانی افرادی قوت کن روزگار نا زیات آن زیات وارخواہی ودی کننگ نا بابت گپ وتران کیک۔ ہڑتوم آ فریق آک تین پہ تینی است خواہی نا امور خاص وڑاٹ چندی علاقائی و جہانی امور آ ہم گپ وتران کیرہ۔ پاکستان و سعودی عرب برادرانہ تعلقداری تتون گنڈوک ءُ ہرا تین پہ تینی پت و افہام و تفہیم ، خڑکی کمک و اسہ ایلو نا مخ تفی نا بے مٹ روایت آ مبنی ءُ۔ پاکستان نا الس حرمین الشریفین نا متولی ءِ بھاز شرف نا نظر اٹ ہرک۔

متعلقہ مضامینمصنف کی طرف سے مزید