اسلام آباد۔ 28 اپریل (اے پی پی) صدر مملکت ڈاکٹر عارف علوی جامعہ غاتیا زور شاغا نے کہ او مچ آ دنیا خاص وڑاٹ پاکستان اٹی کسبکار افرادی قوت نا گرج آتون مون تننگ کن مون آ بروک مارکیٹ کچ آتا رداٹ پین کسب کار بندغ تیار کیر، کسب کار انسانی وسیلہ غاتا ودوک آ خواست ءِ پورو کننگ کن آن لائن و فاصلاتی تعلیم ءِ مون آ دروئی مریک۔ داہیت ءِ او ایوان صدر اٹی نیشنل اسکلز یونیورسٹی نا سینیٹ نا چارمیکو دیوان نا کماشی ءِ کرسا پارے۔ دیوان اٹی وائس چانسلر نیشنل اسکلز یونیورسٹی پروفیسر ڈاکٹر محمد مختار و یونیورسٹی نا سینیٹ نا باسک آک بشخ ہلکر۔ دیوان آن تران کرسا صدر مملکت ڈاکٹر عارف علوی پارے کہ جامعہ غاتا مون آ بروک مارکیٹ کچ آتا رداٹ پین کسبکار پیشہ ور بندغ تیار کیر، پاکستان تون اوار اوار مچ آ دنیا ٹی کسبکار بندغ آتا سخت گرج ءِ۔ اوپارے کہ طالب علم آتا کچ ءِ ودفنگ نا ڈٹ تیار کننگ کن اسکلز یونیورسٹی اسہ کمیٹی اس ٹہیفے، کسبکار افرادی قوت نا مارکیٹ خواست ءِ پورو کننگ کن گونڈ ءُ کورس بناکننگ نا گرج ءِ۔ صدر مملکت پارے کہ مچ آملک انا جامعہ غاتیٹی دوہری شفٹ بناکروئی مریک، کسبکار انسانی وسیلہ غاتا ودوک آ خواست ءِ پورو کننگ کن آن لائن و فاصلاتی تعلیم ءِ مون آ دروئی مریک، دیوان اٹی نیشنل اسکلز یونیورسٹی نا سینیٹ نا مسٹ میکو دیوان نا منٹ آتا ہم منظوری ءِ تننگا، دیوان اٹی میر چاکر خان رند یونیورسٹی آف ٹیکنالوجی ، ڈیرہ غازی خان تون مفاہمت نا یات داشت آتا ہم منظوری ءِ تننگا ، یات داشت آتا رداٹ ادارہ غاتا نیام اٹ پٹ وپول، تعلیم و کسبی مہارت نا ہیلکاری پروگرام تے مون آ دننگک۔
