اسلام آباد۔ 28 اپریل (اے پی پی) وزیر مملکت امور خارجہ حنا ربانی کھر تون پاکستان اٹی کیوبا نا سفیر زینر کارو پنچ شنبے نادے آ داڑے وزارت خارجہ ٹی اوڑدہی کرے۔ وزارت خارجہ نا کنڈآن جاری مروک اسہ بیان اسے نا رداٹ داوخت آ وزیر مملکت خارجہ امور پاکستان و کیوبا نا نیام اٹ ہڑتوم آ کنڈآتا تعلقداری نا ستاءِ کرسا اوفتے پین سوگو کننگ نا بابت پاکستان نا عزم انا درشانی ءِ کرے۔ حنا ربانی کھر 2005 نا زمی جمب اٹی کیوبا نا کنڈآن پاکستان ءِ تروک آ کمکاری نا ستاءِ کرے۔
