کوئٹہ۔ 28 اپریل (اے پی پی) بلوچستان نا الس ءِ ہندی کہول آ جان جوڑی نا گچین و آب اٹ آسراتی تا فراوانی کن ڈسٹرکٹ ہیڈکوارٹرز نا ٹیچنگ ہسپتال آتیٹی 614 پروفیسر، ایسوسی ایٹ پروفیسر، سینئر رجسٹرار، میڈیکل آفیسر، ڈینٹل سرجن و لیڈی میڈیکل آفیسر آتا تعیناتی کرسا نوٹیفکیشن جاری کننگا۔ محکمہ خزانہ بلوچستان نا نوٹیفکیشن نا رداٹ مکران، لورالائی، جھالاوان میڈیکل کالج آتون اوار ضلعی ٹیچنگ ہسپتال تربت، قلات، زیارت، ژوب، خاران ، پنجگور و قلعہ سیف اللہ کن چندی بشخ آتا پروفیسر، ایسوسی ایٹ پروفیسر، جنرل فزیشن و ایلو ڈاکٹر آتا آسامی ودی کرسا اوفتیا تعیناتی تا عمل ءِ پورو کننگانے۔ ہندا بشخ آتا ڈاکٹر آک صوبہ نا مر مر انگا علاقہ غاتیٹی خذمت سرایترہ ہراڑآن صوبہ نا نیزگار الس ءِ اوفتا درگہ غا جان جوڑی نا آسراتی دوئی مریک۔
