اسلام آباد۔ 28 اپریل (اے پی پی) این ایف سی ایوارڈ نا رداٹ بنجانا کنڈآن صوبہ غاتے فنڈ آتا گدریفنگ اٹ برجامالی سال انا اولیکو مسہ تُو تیٹی تدوک آ مالی سال انا ہندا مد انا مقابلہ ٹی 30.13 درسد نا نمو ریکارڈ کننگانے۔ وزارت خزانہ نا کنڈآن دا بابت جاری کروک حساب وکتاب نا رداٹ جولائی آن ہلیس مارچ 2022 اسکان نا مد اٹی این ایف سی ایوارڈ نا رداٹ بنجانا کنڈآن صوبہ غاتے 25.84 کھرب روپئی گدریفنگا ہرا تدوک آ مالی سال انا ہندا مد انا مقابلہ ٹی 30.13 درسد زیات ءُ ، تدوک آ مالی سال انا ہندا مد اٹی این ایف سی ایوارڈ نا رداٹ بنجانا کنڈآن صوبہ غاتے 19.85 کھرب روپئی گدریفنگاسس۔ حساب وکتاب نا رداٹ برجامالی سال اٹی این ایف سی نا رداٹ پنجاب ءِ 12.74 کھرب روپئی، سندھ 6.45 کھرب روپئی، خیبرپختونخوا ءِ 4.25 کھرب روپئی و بلوچستان ءِ 2.38 کھرب روپئی گدریفنگا۔ تدوک آ مالی سال انا ہند امد اٹی این ایف سی ایوارڈ نا رداٹ بنجانا کنڈآن پنجاب ءِ 9.73 کھرب، سندھ ءِ 4.93 کھرب، خیبرپختونخوا 3.19 کھرب و بلوچستان ءِ این ایف سی نا رداٹ 1.98 کھرب روپئی نا فنڈ گدریفنگاسس۔
