اسلام آباد۔ 28 اپریل (اے پی پی) ایران نا وزیر خارجہ حسین امیر عبداللہیان وزیر خارجہ بلاول بھٹو زرداری تون ٹیل فون آ رابطہ کرے و اودے وزیر خارجہ نا منصب ءِ سنبھالنگ آ مبارکبادی تس۔ وزارت خارجہ نا کنڈآن جاری مروک بیان نا رداٹ وزیرخارجہ بلاول بھٹو زرداری ایرانی تینا ہم منصب تون گپ وتران کرسا پارے کہ پاکستان و ایران نا نیام اٹ برادرانہ تعلقداری ءِ۔ وزیرخارجہ کشمیر نا ویل آ ایران نا پدریسہ مخ تفی و فلسطین تون یکجہتی نا درشانی آ ایرانی وزیرخارجہ نا منت واری ءِ ہرفے۔ ایرانی وزیر خارجہ وزیر خارجہ بلاول بھٹو زرداری ءِ ایران نا دورہ نا سلہ خلک۔ وزیر خارجہ بلاول بھٹو زرداری ایرانی ہم منصب نا منت واری ءِ ہرفسا اودے ہم دورہ پاکستان کن بٹنگا۔
