اسلام آباد۔ 28 اپریل (اے پی پی) سلاہکار امور کشمیر و گلگت بلتستان قمر الزمان کائرہ تون چیف سیکرٹری گلگت بلتستان معین الدین وانی اوڑدہی کرے۔ وزارت امور کشمیر و گلگت بلتستان نا کنڈآن جاری بیان نا رداٹ اوڑدہی ٹی گلگت بلتستان نا جم حالیت آتا بابت گپ وتران کننگا۔ داوخت آ قمر الزمان کائرہ پارے کہ بنجائی حکومت گلگت بلتستان نا شونداری و شونہالی کن ہرممکن گام گیج کیک، گلگت بلتستان بھاز اہمیت نا حامل ڈیہہ و سی پیک نا بیس کیمپ ءِ۔ گلگت بلتستان سیل و سوات و معدنی وسیلہ غاتا بابت مالامال ءِ۔ قمر زمان کائرہ پارے کہ گلگت بلتستان اٹی برجا سرکاری بشخ انا شونداری پروگرام نا غٹ ڈٹ آتا بابت وزارت امور کشمیر ءِ پورو وڑاٹ معلومدار تخنگے۔
