اسلام آباد۔ 28 اپریل (اے پی پی) وزیر داخلہ رانا ثناء اللہ خان پارینے کہ پاکستان تحریک انصاف (پی ٹی آئی ) الیکشن کمیشن آ اعتراض آتا جاگہ غا، فارن فنڈنگ نا دُزی نا کیس اتون مون ایتے، الس داسہ سکون اٹی ءِ کہ ہردے انا خلیس و بے سکونی آن نجات ملا، الس آ گھبراہٹ طاری کروک آتا گھبراہٹ وزیراعظم شہباز شریف سپیڈ نا سوب آن پین ودسا کیک۔ پنچ شنبے نادے آ تینا اسہ بیان اسے ٹی وزیر داخلہ پارے کہ پاکستان تحریک انصاف الیکشن کمیشن آ اعتراض آتا جاگہ غا ، فارن فنڈنگ نادزی نا کیس اتون مون ایتے۔ آئین، پارلیمنٹ ، عدلیہ غان پد الیکشن کمیشن تون غنڈہ گردی کپ بلکن آئین ، کانود و ادارہ غاتا شرف ءِ کے، غنڈہ گردی کرے تو کانود اونا مون آ سلک ۔ جمہوری حکومت بننگ آن ملک اٹی سکون و منہ آئین شکن بے آرام ءُ۔ اوپارے کہ الس ءِ داسہ سکون ءِ کہ ہڑدے انا گھبراہٹ و بے سکونی آن نجات ملا، کرسی نا نشہ ٹی اختہ ٹولی حالیت گھبراہٹ اٹی ءِ، مفت انا اِرغ بند مننگ آن پد داوڑنا تو حالیت مریک۔ اوپارے کہ بے چیٹی منٹ اسکان محدود مسنے ، ملک داسہ سوگوی، شونداری و شونہالی نا کنڈآ بناکرینے، کبینی، لوڈشیڈنگ نا چٹفنگ، زرگزرانی نا روانی آ جنگی بنداو تیا کاریم برجاءِ۔ وزیر داخلہ پارے کہ ننتون جنگ کروک آتے تون الس مون ایتک، ننے ہمو ویل آتون جنگ کروئی ءِ ہرافک چارسال آن الس ءِ مصیبت اٹ شاغانو، ننے قوم ءِ کبینی، بے روزگاری و لوڈشیڈنگ آن آرام تروئی ءِ۔ اوپارے کہ شہبازشریف سپیڈاٹ کبینی، بے روزگاری، لوڈشیڈنگ ءِ چٹفک۔
